ឥណ្ឌា៖ ទីភ្នាក់ងារអវកាសឥណ្ឌាកំពុងត្រៀមបាញ់បង្ហោះយាន Chandrayaan-2 របស់ខ្លួននៅសប្តាហ៍ក្រោយ ដើម្បីឲ្យវាទៅចុះជិតប៉ូលខាងត្បូងរបស់ព្រះចន្ទ ដែលមិនទាន់មាននរណាសិក្សាស្រាវជ្រាវនៅឡើយ។

បើតាមការគ្រោងទុកនោះ យាន Chandrayaan-2 នឹងត្រូវបង្ហោះចេញពីមជ្ឈមណ្ឌលអវកាស Satish Dhawan Space Center នៅទីក្រុង ស្រ៊ីហារីកូតា នៅលើឆ្នេរភាគនិរតីរបស់ប្រទេសឥណ្ឌា នៅថ្ងៃ១៥ ខែកក្កដានេះ។ វាជាយានស្រាវជ្រាវឋានព្រះចន្ទទី២ របស់អង្គការស្រាជ្រាវអវកាសឥណ្ឌា (ISRO) និងជាយានទី១ដែលត្រូវបានគេផលិតឡើង ដើម្បីចុះចតលើព្រះចន្ទ ដោយវាគ្រោងនឹងទៅដល់ព្រះចន្ទ នៅថ្ងៃ១៦ ខែកញ្ញា ឆ្នាំ២០១៩ខាងមុខនេះ។ បើជោគជ័យនោះ ឥណ្ឌានឹងក្លាយជាប្រទេសទី៤ បន្ទាប់ពីសហរដ្ឋអាម៉េរិក រុស្ស៊ី និងចិន ដែលបង្ហោះយានទៅដល់ភពរណបរបស់ផែនដី៕ម.ន