ប្រទេសថៃបានបញ្ជាឱ្យឃ្លាំមើលយ៉ាងជិតស្និទ្ធលើ បសុសត្វ បន្ទាប់ពីមានការផ្ទុះជំងឺអង់ត្រាក់ (Anthrax) ក្នុងប្រទេសឡាវ។ ជំងឺ Anthrax ឆ្លងតាមបាក់តេរី ក្នុងដី ជាទូទៅ ឆ្លងដល់សត្វពាហនៈ និងសត្វព្រៃ ប៉ុន្តែ អាចឆ្លងដល់មនុស្ស និងអាចស្លាប់ ក្នុងករណីខ្លះ។
 
នាយករដ្ឋមន្ត្រីថៃ លោក Srettha Thavisin បានបញ្ជាឱ្យមន្ត្រីតាមដានជំងឺ យ៉ាងដិតដល់ និង ការពារសាធារណៈជន។ មនុស្សអាចឆ្លងមេរោគបាន តាមរយៈការដកដង្ហើម, ការបរិភោគអាហារ ដែលមានមេរោគ ឬ ប៉ះបាក់តេរី ឧទាហរណ៍ នៅពេលដែលបានប៉ះពាល់សត្វ ដែលមានជំងឺ ជាដើម។
 
ប្រព័ន្ធផ្សព្វផ្សាយជាសម្ងាត់ពីប្រទេសឡាវបានរាយការណ៍ករណីសង្ស័យជំងឺ Anthrax ចំនួន ៦៥ ថ្មីៗនេះ ក្នុងនោះ មាន ៥៤ ករណីនៅខេត្តចំប៉ាសាក់ ភាគខាងត្បូង ដែលជាប់ព្រំដែនប្រទេសថៃ។
 
អ្នកនាំពាក្យរាជរដ្ឋាភិបាល លោក Chai Watcharong បាននិយាយនៅក្នុងសេចក្តីថ្លែងការណ៍ កាលពីថ្ងៃព្រហស្បតិ៍ ថា «លោកនាយករដ្ឋមន្ត្រីបានបញ្ជាឱ្យរដ្ឋមន្ត្រីសុខាភិបាលសាធារណៈ ត្រួតពិនិត្យយ៉ាងជិតស្និទ្ធ ជាពិសេស នៅជិតព្រំដែន» ។
 
រដ្ឋាភិបាលក៏បានលើកទឹកចិត្តអ្នកដែលបានប្រាស្រ័យទាក់ទងជាមួយនឹង “សត្វឈឺ” សូមទៅជួបគ្រូពេទ្យ ជាបន្ទាន់។
 
ប្រទេសថៃមិនមានរបាយការណ៍ករណីឆ្លងមេរោគអង់ត្រាក់ (Anthrax) លើមនុស្សនៅឡើយទេ ចាប់តាំងពីឆ្នាំ ២០០១។ ប៉ុន្តែ បើក្រសួងសុខាភិបាលថៃ បានឱ្យដឹងថា ថៃធ្លាប់មានជំងឺប្រភេទនេះ ដល់១០២ករណី កាលពីឆ្នាំ១៩៩៥៕  
 
ប្រភពពី AFP ប្រែសម្រួល៖ សារ៉ាត