សេដ្ឋកិច្ចវៀតណាមត្រូវបានរំពឹងថា នឹងមានកំណើនប្រមាណ៦,៧ភាគរយ នៅឆ្នាំ២០១៩នេះ ជាអត្រាលឿនបំផុតមួយ នេះបើយោងតាមវិទ្យាស្ថាន ICAEWEI ដែលធ្វើការស្រាវជ្រាវលើតំបន់អាស៊ីអាគ្នេយ៍ ចេញផ្សាយដោយសារព័ត៌មាន Vietnamnews កាលពីម្សិលមិញ។

យោងតាមប្រភពថា ក្នុងត្រីមាសទី២ គេសង្កេតឃើញប្រទេសទាំងអស់ ក្នុងតំបន់អាស៊ីអាគ្នេយ៍នាំចេញធ្លាក់ចុះ តែលើកលែងតែវៀតណាម ដែលនាំចេញកើនឡើង បើធៀបនឹងពេលដូចគ្នា កាលពីឆ្នាំមុន។

សេដ្ឋកិច្ចវៀតណាមរក្សាកំណើន៦,៨ភាគរយកាលពីត្រីមាសទី១ នៃឆ្នាំ២០១៩ ដោយសារតែភាពរឹងមាំខាងឧស្សាហកម្ម សេវាកម្មរឹងមាំ និងការនាំចេញផលិតផលកសិកម្មកាន់តែច្រើន។ យ៉ាងណាក៏ដោយ ប្រភពថា សេដ្ឋកិច្ចវៀតណាមអាចនឹងធ្លាក់ចុះដែរ ដោយសារតែតម្រូវការទំនិញពីប្រទេសចិនធ្លាក់ចុះ និងរបបគាំពារនិយមលើពាណិជ្ជកម្មកើនឡើង៕ធ.ដ