ការងារជ្រើសរើសទ័ពថ្មី បំពេញក្របខ័ណ្ឌត្រូវមានតម្លាភាព និង សុក្រិត្យភាព ស្របតាមនុសាសន៍សម្តេចធិបតី «រើសឲ្យត្រូវ ថែឲ្យនៅ »
(ខេត្តកណ្តាល)៖ ឯកឧត្តម គួច ចំរើន លើកឡើងថា ដើម្បីការងារជ្រើសរើសទ័ពថ្មី បំពេញក្របខ័ណ្ឌ ឱ្យយោធភូមភាគពិសេសនេះមានតម្លាភាព និងសុក្រិត្យភាព ស្របតាមអនុសាសន៍សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា «រើសឲ្យត្រូវ ថែឲ្យនៅ» គ្រប់តួអង្គពាក់ព័ន្ធត្រូវរួមគ្នាគិត រួមគ្នាធ្វើ រួមគ្នាទទួលខុសត្រូវ ដើម្បីប្រៀបការពារជាតិរបស់យើងបានរឹងមាំ ។
ឯកឧត្តម គួច ចំរើន បានសំណូមពរដល់អនុគណៈកម្មការជ្រើសរើសយុវជនស្ម័គ្រចិត្ត បំពេញក្របខ័ណ្ឌ យោធភូមិភាគពិសេស កងទ័ពជើងគោក និងដាក់បទបញ្ជាដល់អាជ្ញាធរដែនដីគ្រប់លំដាប់ថ្នាកត្រូវសម្រួលផ្តល់ឯកសារគ្រប់ទំរង់ដល់យុវជន ឲ្យបានលឿន រហ័ស ទាន់ពេលវេលា ជាក់លាក់ តាមច្រកចេញចូលតែមួយ ។
ប្រសាសន៍ ឯកឧត្តម គួច ចំរើន អភិបាលខេត្តកណ្តាល លើកឡើងកាលពីរសៀលថ្ងៃទី០៣ ខែមីនា ឆ្នាំ២០២៥ បានអញ្ជើញជាអធិបតីភាព ពិធីប្រជុំផ្សព្វផ្សាយការងារជ្រើសរើសទ័ពថ្មី បំពេញក្របខ័ណ្ឌ ឲ្យយោធភូមិភាគពិសេស កងទ័ពជើងគោក នៅតំបន់ប្រតិបត្តិការសឹករងកណ្តល និងដោយមានការអញ្ជើញចូលរួមពីក្រុមការគណៈកម្មការជ្រើសរើសពាក់ព័ន្ធយោធភូមិភាគពិសេស និងរដ្ឋបាលខេត្តកណ្តាលជាច្រើនរូប ។
ឯកឧត្តម គួច ចំរើន បានគូសបញ្ជាក់ពីគោលបំណងប្រជុំផ្សព្វផ្សាយការងារជ្រើសរើសទ័ពថ្មី បំពេញក្របខ័ណ្ឌ ឱ្យយោធភូមិភាគពិសេស កងទ័ពជើងគោក នាពេលនេះ ស្របតាមសេចក្តីសម្រេចរបស់រាជរដ្ឋាភិបាល ក្រសួងការពារជាតិ អគ្គបញ្ជាការ នៃកងយោធពលខេមរភូមិន្ទ និងកងទ័ពជើងគោក និងផ្តល់ឱកាសដល់យុវជនចូលបម្រើជាតិមាតុភូមិ ។
សូមជម្រាបជូនថា៖ គណៈកម្មការជ្រើសរើសយុវជនស្ម័គ្រចិត្តចូលបម្រើកងយោធពលខេមរភូមិន្ទបំពេញក្របខណ្ឌឱ្យយោធភូមិភាគពិសេស កងទ័ពជើងគោក និងធ្វើការផ្តល់ និងទទួលពាក្យ រយៈពេល១៥ថ្ងៃ ចាប់ពីថ្ងៃទី៤ ខែមីនា ឆ្នាំ២០២៥ ស្អែកនេះតទៅ ដល់ថ្ងៃទី១៩ ខែមីនា ឆ្នាំ២០២៥ យុវជន ដែលមានលក្ខ័ណ្ឌគ្រប់គ្រាន់ទៅដែលបានកំណត់ ត្រូវភ្ជាប់ជាមួយនិងឯកសារ មកទទួលពាក្យជ្រើសយកទៅបំពេញ នៅទីបញ្ជាការតំបន់ប្រតិបត្តិការសឹករងកណ្តាល ពីក្រុមការងារគណៈកម្មការ ដែលមានទីតាំងស្ថិតនៅក្រុងតាខ្មៅ ខេត្តកណ្តាល។
តាមគោលការណ៍ណែនាំដ៏ខ្ពង់ខ្ពស់របស់ ឯកឧត្តមនាយឧត្តមសេនីយ៍ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងទ័ពជើងគោក បេក្ខជនដែលមានទីលំនៅ បច្ខុប្បន្នក្នុងភូមិសាស្រ្តខេត្តចំណុះយោធភូមិភាគ អាចទទួលពាក្យ និងដាក់ពាក្យ ចូលបម្រើកងយោធពលខេមរភូមិន្ទបំពេញក្របខណ្ឌកងទ័ពជើងគោកក្នុងទីតាំងជ្រើសរើសនៃភូមិសាស្រ្តយោធភូមិភាគនោះ ៕
អត្ថបទ ៖ ង៉ាន់ ទិត្យ
រូបភាព ៖ រិន រចនា
