ភ្នំពេញ  ៖ រថយន្តកាមរីបាឡែន មួយគ្រឿង របស់បុគ្គល អង្គការ  ចតទុកមុខផ្ទះរាល់យប់ដូចសព្វដង ត្រូវបានចោរលួច យក ពីម្ដុំខាងក្រោយផ្សារស្ទឹងមានជ័យថ្មី  ហើយបើកគេចខ្លួនចេញទៅតាមផ្លូវបេតុង ជាប់ បញ្ជាការដ្ឋានកងរាជអាវុធហត្ថរាជធានីភ្នំពេញ រួចបេីកគេចខ្លួនបាត់ស្រមោល ទេីបផ្អេីលឆោឡោឡេីង  ហេីយផ្ដល់ដំណឹងទៅវិទ្យុABC  ជួយផ្សាយអោយសមត្ថកិច្ចគ្រប់គោលដៅ  ជួយស្ទាក់រថយន្តផងដែរ  និង ទាក់ទង ដល់កម្លាំងល្បាតប៉ុស្តិ៍នគរបាលស្ទឹងមានជ័យទី១និងកម្លាំងអាវុធហត្ថខណ្ឌមានជ័យ   ចុះទៅពិនិត្យមើល  និងសាកសួរផងដែរ។
    ហេតុការណ៍ លួចរថយន្តនេះបានកើតឡើងកាលពីម៉ោងជិត៣និង៥នាទីរំលងអធ្រាត្រ  ឈានចូលថ្ងៃអាទិត្យ ទី១៩ ខែឧសភា  ឆ្នាំ២០១៩នេះ នៅចំណុចផ្ទះល្វែងលេខ៣៤H ផ្លូវបេតុង  ក្រុមទី១  ភូមិទ្រា ៣  សង្កាត់ស្ទឹងមានជ័យ ទី១  ខណ្ឌមានជ័យ  ក្រុងភ្នំពេញ ។
     រថយន្តដែលត្រូវបានចោរលួចយកទៅបាត់នោះម៉ាក CAMRY បាឡែន ស៊េរីឆ្នាំ ២០១៣ ពណ៍ទឹកមាស ពាក់ស្លាកលេខភ្នំពេញ  2AC-9356 ដែលមានម្ចាស់ឈ្មោះ នៅ  សារ៉ាត់ ភេទប្រុស មុខរបរបុគ្គលិក អង្គការ GIZ  ។
     បេីតាមសម្ដីម្ចាស់រថយន្តរងគ្រោះ  បានរៀបរាប់ប្រាប់សមត្ថកិច្ចថា  នៅមុនកើតហេតុ រថយន្តរបស់គាត់ បានចតទុកមុខផ្ទះរាល់យប់ដូចសព្វដង មិនខុសណាពីរថយន្ត ផ្សេងៗទៀត ច្រើនគ្រឿង ចតទុកតែមុខផ្ទះល្វែងខាងលើជាប់ៗគ្នា លុះវេលាម៉ោងកេីតហេតុ  ខាងលើស្រាប់តែម្ដាយរបស់គាត់ស្រែកដាស់អ្នកផ្ទះឲ្យងេីប ទើបដឹងថារថយន្តគាត់ ត្រូវបានចោរកំពុងលួចយកបេីកចេញទៅហេីយ ទើបផ្ដល់ព័ត៌មានប្រាប់វិទ្យុABC ជួយផ្សាយបន្ទាន់  និងទាកក់ទងឲ្យសមត្ថកិច្ច ចុះមកពិនិត្យដល់ទីតាំង ។
     បន្តិចក្រោយមកគេឃេីញ មានកម្លាំងល្បាតប៉ុស្តិ៍នគរបាលស្ទឹងមានជ័យទី១ និងកម្លាំងស៊ីវិលរបស់មូលដ្ឋានកងរាជអាវុធហត្ថខណ្ឌមានជ័យ  បានចុះមកកន្លែងកេីតហេតុ  រួចធ្វេីការសាកសួរ និងធ្វេីកំណត់ហេតុ ឲ្យបានដឹងសិនប៉ុណ្ណោះ  ព្រោះស្អែកព្រឹកទេីបម្ចាស់រថយន្ត  ទៅដាក់ពាក្យបណ្ដឹង តាមក្រោយទៀត៕