ភ្នំពេញ៖ មានម៉ូតូ ម៉ាកហុងដាឌ្រីមមួយគ្រឿងរួម និងកង់បីមួយគ្រឿងទៀត បានបេីកបរមិនគោរពភ្លេីងស្ទុប  បានជ្រុលទៅបុករថយន្តម៉ាក Ford មួយគ្រឿង កំពុងបេីកឆ្លងផ្លូវ  ចំមុខ និងចំហៀងពេញទំហឹង បណ្ដាលឲ្យរងការខូចខាត  កាលពីវេលាម៉ោង៨ និង២០នាទីយប់ ថ្ងៃទី៩ ខែកក្កដា ឆ្នាំ២០២០ ស្ថិតនៅតាមបណ្ដោយផ្លូវព្រះមុន្នីវង្ស កែងផ្លូវ៩៦ ស្ថិតក្នុងសង្កាត់វត្តភ្នំ ខណ្ឌដូនពេញ។

តាមប្រភពព័ត៌មានពីកន្លែងកេីតហេតុបានឲ្យដឹងថា ដំបូងមានរថយន្តម៉ាក Ford ពណ៌ឈាមជ្រូក ពាក់ស្លាកលេខភ្នំពេញ  2BG-1390 ដែលបេីកបរដោយជនជាតិបរទេស បានឆ្លងពីផ្លូវព្រះមុន្នីវង្ស មកផ្លូវ៩៦ ដោយមានសញ្ញាភ្លេីងខៀវ ។ ខណៈពេលនោះស្រាប់តែមានម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០១៤ ពណ៌ខ្មៅ ពាក់ស្លាកលេខ តាកែវ 1G-1344 ជិះដោយយុវជនម្នាក់ និងមានម៉ូតូកង់បីដឹកឥវ៉ាន់មួយគ្រឿងទៀត បានធ្វេីដំណេីរទន្ទឹមគ្នាបំពានភ្លេីងស្ទុប  ក៏ជ្រុលទៅបុករថយន្តស៊េរីទំនេីបម៉ាក Ford  ចំពីមុខ និងចំហៀងពេញទំហឹង បណ្ដាលឲ្យបែកចង្កៀង និងបាក់កាង រងការខូចខាត  ។

ករណីគ្រោះថ្នាក់ចរាចរណ៍នេះ មិនបណ្ដាលឲ្យនរណាម្នាក់រងរបួសនោះទេ  ហេីយមួយសន្ទុះក្រោយមកក៏មានសមត្ថកិច្ចមូលដ្ឋានចុះមកដល់  រួចគូសវាស់យកវត្ថុតាងមកអែមខាងសិន  ដេីម្បីកុំឲ្យមានការកក់ស្ទះចរាចរណ៍ដល់អ្នកដំណេីរ។

ក្រោយមក ដោយភាគីរថយន្តម៉ាក Ford និងម៉ូតូកង់បី មានក្រុមហ៊ុនធានារ៉ាប់រងដូចគ្នា  ទេីបភាគីខាងម៉ូតូកង់បីចេញថ្លៃខូចខាតត្រង់ចំណុចដែលខ្លួនបុក រីឯភាគីខាងម៉ូតូ  ដោយសារភាគីរថយន្តយល់ឃេីញថាជាសិស្សសាលា និងមិនមិនសូវមានលុយកាក់ផងនោះ ក៏ព្រមឲ្យត្រឡប់ទៅវិញ  ដេីម្បីបញ្ចប់រឿងនៅ នឹងកន្លែងតែម្ដង៕ ដោយ៖  ជីម  ភារ៉ា