បន្ទាយមានជ័យ ៖រថយន្តជាច្រើនគ្រឿង ត្រូវបានបញ្ជូនទៅកាន់ច្រកម៉ាឡៃ ស្រុកម៉ាឡៃ ខេត្តបន្ទាយមានជ័យដើម្បីសម្រួលក្នុងការដឹកជញ្ជូន​ពលករ​ខ្មែរធ្វើការនៅប្រទេសថៃ ដែលបានបន្តវិលត្រឡប់មកកម្ពុជាវិញ ។រថយន្ត​នឹង​ដឹកជញ្ជូនពលករទាំងអស់ទៅទីកាន់ទីតាំងសំចត មុននឹងបន្តទៅកាន់ស្រុក​កំណើតរៀងខ្លួន។

នៅច្រកម៉ាឡៃ ដែលឈមនឹងច្រកណងព្រឺ ប្រទេសថៃកាលពីថ្ងៃទី២ ខែកក្កដា ឆ្នាំ២០២៥ ជាមួយនឹងការបញ្ជូន​រថយន្តជាច្រើនគ្រឿងទៅទទួលពលករខ្មែរ ឯកឧត្តម អ៊ុ រាត្រី អភិបាលខេត្តបន្ទាយមានជ័យ ក៏បានអញ្ជើញទៅពិនិត្យផ្ទាល់ និង​សំណេះ​សំណាលជាមួយបងប្អូនពលករ។ឯកឧត្តមបានប្រាប់ពលករទាំងនោះថា រដ្ឋបាល​ខេត្តបានរៀប​ចំទីតាំង​សំចតបណ្ដោះអាសន្នមួយដើម្បីឱ្យបងប្អូនបានសម្រាក និង​ទទួលបានផ្តល់អាហារសម្រន់ មុនបន្តដំណើរ​ទៅកាន់ស្រុកកំណើត នៅតាមបណ្តា​ខេត្ត ដោយរដ្ឋបាលខេត្តបានរៀបចំជាស្រេចនូវរថយន្តសម្រាប់ការដឹកជញ្ជូន។

លើសពីការទទួលស្វាគមន៍ ក៏មានក្រុមការងារចម្រុះមាននៃមន្ទីរការងារនិង​បណ្ដុះបណ្ដាលវិជ្ជាជីវៈ រង់ចាំណែនាំអំពី​ឱកាសការងារផងដែរ៕

ដោយ៖ឃិន គន្ធា