ព្រះវិហារ៖នៅមន្ទីរព័ត៌មានខេត្ត ក្នុងកិច្ចប្រជុំបូកសរុបការងារឆមាសទី១និងទិសដៅ​ការងារឆមាសទី២ កាលពី​ថ្ងៃទី១០ ខែកក្កដា ឆ្នាំប្រធានមន្ទីរព័ត៌មានខេត្តព្រះវិហារ លោកស្រី ហែម សុគុណពិសី ណែនាំដល់ថ្នាក់ដមន្ត្រីរាជការ និងមន្ត្រីកិច្ច​សន្យា​ទាំងអស់ឱ្យបន្ដរក្សាសាមគ្គីភាព ឯកភាពផ្ទៃក្នុង ធ្វើយ៉ាងណាត្រូវខិតខំប្រឹងប្រែង យកចិត្ត​ទុកដាក់​បំពេញការងារ និងបង្កើនប្រសិទ្ធភាពការងាររបស់ខ្លួនបន្ថែមទៀត ដើម្បីលើកកម្ពស់និងអភិវឌ្ឍ​វិស័យព័ត៌មាន​ឱ្យកាន់តែរីកចម្រើន។

ជាមួយនឹងការថ្លែងកោតសរសើរ និងវាយតម្លៃខ្ពស់ចំពោះថ្នាក់ដឹកនាំ មន្រ្តីរាជការ និងមន្ដ្រីកិច្ចសន្យាទាំងអស់ ដែល​បានខិតខំប្រឹងប្រែងក្នុងការបំពេញការងារ​តាម​ជំនាញរបស់ខ្លួនប្រកប​ដោយ​ការយកចិត្តទុកដាក់ និងទទួលខុស​ត្រូវខ្ពស់ ដោយ​មិនគិតពីពេលវេលា ឬថ្ងៃឈប់សម្រាកនោះ លោកស្រីក៏បានជំរុញឱ្យបំផុសនិង​ផ្សព្វផ្សាយ​នូវ​យុទ្ធនាការ ប្រឆាំងនឹងព័ត៌មានក្លែងក្លាយ និងផ្សព្វផ្សាយបន្សាប​ព័ត៌មានប្រឌិត ព័ត៌មានក្លែងក្លាយ តាមរយៈព័ត៌មានពិត ត្រង់និងលឿន៕
ដោយ៖ឡុង សំបូរ