ស្នងការនគរបាលខេត្តតាកែវបានដាក់បទបញ្ជាដល់អធិការស្រុក ក្រុងទាំង១០ ឱ្យត្រួតពិនិត្យនិងបង្រ្កាបបទល្មើសអនឡាញ
តាកែវ៖ស្នងការនគរបាលខេត្តតាកែវបានដាក់បទបញ្ជាដល់អធិការស្រុក ក្រុងទាំង១០ ឱ្យត្រួតពិនិត្យនិងបង្រ្កាបបទល្មើសបទល្មើសឆបោកតាមប្រព័ន្ធបច្ចេកវិទ្យា( online scams) និងអនុវត្តឱ្យបានត្រឹមត្រូវតាមនីតិវិធី។ ឧត្តមសេនីយ៍ទោ ម៉ែន លី ថ្លែងបែបនេះក្នុងឱកាសអញ្ជើញជាអធិបតីភាពក្នុងកិច្ចប្រជុំ”បូកសរុបសភាពការណ៍ប្រចាំឆមាសទី១ និងលើកទិសដៅការងារឆមាសទី២ ឆ្នាំ២០២៥ របស់ស្នងការដ្ឋាននគរបាលខេត្តតាកែវកាលពីរសៀលថ្ងៃចន្ទទី២១ ខែកក្កដា ។
បទបញ្ជានេះត្រូវបានដាក់ទៅកាន់ លោក លោកស្រី ឧត្តមសេនីយ៍ វរសេនីយ៍ ស្នងការរង លោកនាយ នាយរងការិយាល័យជំនាញទាំង៣២ លោកមេបញ្ជាការ មេបញ្ជាការរង នៃវរសេនាតូចនគរបាលការពារព្រំដែនគោកលេខ៦០៣ លោកអធិការ អធិការរងទទួលការងារ(សេនាធិការ, អត្តសញ្ញាណប័ណ្ណ, ព្រហ្មទណ្ឌ, សន្តិសុខ, សណ្ដាប់ធ្នាប់ និងគ្រឿងញៀន) នៃអធិការដ្ឋាននគរបាលក្រុង-ស្រុកទាំង១០ លោកនាយប៉ុស្តិ៍នគរបាលច្រកទ្វារទ្វេភាគីកំពង់ក្រសាំង លោកនាយប៉ុស្តិ៍នគរបាលការពារព្រំដែនគោកទាំង១១ លោកនាយប៉ុស្តិ៍នគរបាលរដ្ឋបាលឃុំ-សង្កាត់ទាំង១០០ និងមន្ត្រីដែលពាក់ព័ន្ធ។
ឧត្តមសេនីយ៍ទោ ម៉ែន លី ក៏បានណែនាំ ដល់អធិការក្រុងស្រុក ទាំង១០ ត្រូវធ្វើយ៉ាងណាស្រាវជ្រាវ ទប់ស្កាត់ និងបង្រ្កាបឱ្យបាន ចំពោះក្រុមជនខិលខូច ដែលលួចបើក ល្បែងស៊ីសងខុសច្បាប់ ជាពិសេសបទល្មើសឆបោកនៅតាមអនឡាញ៕
ដោយ៖សាំង សារ៉ាវី
