កំពង់ឆ្នាំង ៖គិតត្រឹមថ្ងៃទី៤ ខែសីហា ឆ្នាំ២០២៥ មានពលករ ពលការិនីខ្មែរធ្វើការនៅប្រទេសថៃបានវិល​ត្រឡប់មក
ស្រុកកំណើតវិញតាមរយៈការជួយសម្របសម្រួល និងដឹកជញ្ជូនដោយរដ្ឋបាលខេត្ត។

យោងតាមរបាយការណ៍រដ្ឋបាលខេត្តកំពង់ឆ្នាំងបានឱ្យដឹងថា គិតត្រឹមថ្ងៃទី៤ ខែសីហា​ក្រុមការងារខេត្តបាន​ទទួល​ពលករខ្មែរដែលមានស្រុកកំណើតនៅខេត្តកំពង់ឆ្នាំងវិលត្រឡប់មកពីប្រទេសថៃនិងដឹកជញ្ជូនដោយរថយន្តក្រុងរបស់រដ្ឋបាលខេត្តមកកាន់ស្រុកកំណើតវិញនចំនួន១.៨៩០នាក់(ស្រីមានចំនួន៧៩០នាក់)ក្នុងចំណោមពលករចំណាក​ស្រុកទៅធ្វើការនៅប្រទេសថៃចំនួន ៤.៣៤៩ នាក់ (ស្រីចំនួន ១.៧៩៩នាក់)។

ពលករដែលវិលត្រឡប់ជាបន្តបន្ទាប់ទាំងនេះ ត្រូវបានឯកឧត្តម ស៊ុន សុវណ្ណារិទ្ធិ អភិបាលខេត្ដកំពង់ឆ្នាំង ណែនាំ​ដល់រដ្ឋបាលក្រុង ស្រុក ចំណុះរដ្ឋបាលខេត្តរៀបចំទីតាំងទទួលនិងសម្រួលដល់ការធ្វើដំណើរទៅកាន់លំនៅឋាន៕
ដោយ៖សុខ គឹមសៀន