សម្តេចតេជោ ហ៊ុន សែន៖ ប៉ុន្មានថ្ងៃនេះ ផ្ទុះរឿងផ្លែស្ពឺ ខ្ញុំចេះតែឆ្ងល់ថាមានរឿងអីទៀតហើយ? លុះដល់ស្រាវជ្រាវទៅទើបដឹង (ហូបស្ពឺអត់)
អត្ថបទដោយ៖
ស៊ូ វណ្ណលុក
(ភ្នំពេញ)៖ តាមរយៈសំណេរនៅលើបណ្តាញសង្គមនាព្រឹកថ្ងៃទី១៤ ខែសីហា ឆ្នាំ២០២៥ សម្តេចតេជោ ហ៊ុន សែន ប្រធានព្រឹទ្ធសភា បានលើកឡើងអំពីប៉ុន្មានថ្ងៃមកនេះ ផ្ទុះរឿងផ្លែស្ពឺ, សម្តេច ស្រាវជ្រាវទើបដឹងអំពីរឿងស្ពឺនេះ។
សម្តេចតេជោ បានរៀបរាប់ដូចខាងក្រោម៖ ប៉ុន្មានឆ្នាំមុន ផ្ទុះរឿងផ្លែពោតជាអាវុធប្រល័យលោក។ ប៉ុន្មានថ្ងៃនេះ ផ្ទុះរឿងផ្លែស្ពឺ ខ្ញុំចេះតែឆ្ងល់ថា មានរឿងអីទៀតហើយ? លុះដល់ស្រាវជ្រាវទៅ ទើបដឹងថា វាជារឿងរបស់នាយករដ្ឋមន្ត្រីបច្ចុប្បន្ន ជាមួយស្ត្រីមួយកាលពីក្មេង ដែលផ្អែកសំខាន់លើសៀវភៅដែលសរសេរ ដោយ លោក ឆាយ សុផល ។
វាជារឿងចាប់ផ្តើមពីការមិនចូលចិត្តដូចគ្នារវាងខ្ញុំនិងភរិយា នៅពេលដែលមិនទាន់ស្គាល់គ្នា។ ឯកូនរបស់ខ្ញុំ ចាប់ផ្តើមពីផ្លែស្ពឺ ឬ (ហូបស្ពឺអត់)។ ខ្ញុំស្រាវជ្រាវរឿងនេះពីគ្រុបគ្រួសារដែលប្អូនៗ ពិសេស ស្រីពៅ បង្អាប់បងថ្លៃ។ (ហូបស្ពឺអត់) ៕
ដោយ ៖ វណ្ណលុក
ស៊ូ វណ្ណលុក
ក្រៅពីជំនាញនិពន្ធព័ត៌មានរបស់សម្ដេចតេជោ នាយករដ្ឋមន្ត្រីប្រចាំស្ថានីយវិទ្យុ និងទូរទស្សន៍អប្សរា លោកក៏នៅមានជំនាញផ្នែក និងអាន និងកាត់តព័ត៌មានបានយ៉ាងល្អ ដែលនឹងផ្ដល់ជូនទស្សនិកជននូវព័ត៌មានដ៏សម្បូរបែបប្រកបដោយទំនុកចិត្ត និងវិជ្ជាជីវៈ។
