រដ្ឋបាលស្រុកស្ទោងអញ្ជើញសួរសុខទុក្ខវីរយុទ្ធជនដែលកំពុងសម្រាកព្យាបាលជំងឺនៅមន្ទីរពេទ្យបង្អែកស្រុក
អត្ថបទដោយ៖
ប៊ុន រដ្ឋា
កំពង់ធំ៖លោក សាយ គឹមឡម អភិបាលស្រុកស្ទោង ខេត្តកំពង់ធំនិងសហការីក្នុងសប្ដាហ៍នេះបានអញ្ជើញសំណេះសំណាល និងសួរសុខទុក្ខវីរយុទ្ធជនសមរភូមិមុខចំនួនពីររូប ដែលកំពុងសម្រាកព្យាបាលជំងឺនៅមន្ទីរពេទ្យបង្អែកស្រុកស្ទោង ។
យុទ្ធជនទាំងពីររូបនេះបានចូលរួមប្រយុទ្ធយ៉ាងស្វិតស្វាញ ដើម្បីការពារជាតិ អធិបតេយ្យភាព បូរណភាពទឹកដី និងទប់ទល់នឹងមហិច្ឆតាឈ្លានពានពីទាហានថៃ។ក្នុងឱកាសនេះលោកអភិបាលស្រុក បាននាំការសួរសុខទុក្ខពីឯកឧត្តម នួន ផារ័ត្ន អភិបាលខេត្តកំពង់ធំ ដែលតែងយកចិត្តទុកដាក់ចំពោះប្រជាពលរដ្ឋ ពលករ ភៀសសឹក និងជាពិសេសយុទ្ធជនដែលលះបង់កម្លាំងកាយចិត្ត និងជីវិតដើម្បីបម្រើជាតិមាតុភូមិ។
លោក សាយ គឹមឡម បានផ្ដល់អំណោយដល់យុទ្ធជនទាំងពីរ រួមមាន អង្ករ ទឹកសុទ្ធ ភេសជ្ជៈ និងថវិកាមួយចំនួន៕
ដោយ៖ប៊ុនរដ្ឋា
