អគ្គនាយកស៊ីម៉ាក់ បង្ហាញនូវក្តីសោកស្តាយនិងសង្វេគចំពោះប្រាសាទព្រះវិហារ ដែលត្រូវបានទាហានថៃធ្វើឱ្យប៉ះពាល់
ភ្នំពេញ៖ ជាមួយរូបថតជាច្រើនសន្លឹកដែលបង្ហាញពីទិដ្ឋភាពខូចខាត ឯកឧត្តម ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃមជ្ឈមណ្ឌលសកម្មភាពកំចាត់មីនកម្ពុជាហៅកាត់ថា ស៊ីម៉ាក់ (CMAC)កាលពីរាត្រីថ្ងៃទី ១៧ ខែសីហា ឆ្នាំ២០២៥បានបង្ហោះសារដោយបង្ហាញការសោកស្តាយយ៉ាងខ្លាំង។
ខ្លឹមសារនៃសារបានគូសរំលឹចថា”ពិតជាសង្វេតសោកស្តាយណាស់នៅពេលឃើញប្រាសាទដូនតាខែ្មរគឺប្រាសាទព្រះវិហារជាសម្បត្តិបេតិកភណ្ឌពិភពលោកត្រូវគ្រាប់បែកទម្លាក់ពីយន្តហោះ គ្រាប់ផ្លោង និងគ្រាប់បែកចង្កោម។ មនុស្សជាតិលើផែនដីនេះមានកាត្វកិច្ចរក្សាការពារឱ្យបានគង់វង្សយូរអង្វែងតទៅ”។
សូមជម្រាបភ្លាមៗក្រោយរងការវាយប្រហារពីសំណាក់យោធាថៃ ក្រសួងវប្បធម៌ និងវិចិត្រសិល្បៈនៃកម្ពុជា នចេញសេចក្តីថ្លែងការណ៍ថ្កោលទោសយ៉ាងខ្លាំងក្លា ចំពោះកងទ័ពសៀម ដែលបានធ្វើការឈ្លានពាន និងបង្កការខូចខាតដល់តំបន់ជុំវិញ និងរចនាសម្ព័ន្ធផ្ទាល់របស់ប្រាសាទព្រះវិហារ ដែលជាបេតិកភណ្ឌពិភពលោក។
ក្រសួងវប្បធម៌នៅថ្ងៃទី២៤ ខែកក្កដា ឆ្នាំ២០២៥ដែលជាថ្ងៃដែលដំបូង ថៃបានបើកការវាយប្រហារមកលើកម្ពុជា បានចាត់ទុកការវាយប្រហារដោយប្រើប្រាស់ការបាញ់ផ្លោងកាំភ្លើងធំ និងការទម្លាក់គ្រាប់បែកពីលើអាកាសរបស់ថៃថាជាការបំពានយ៉ាងធ្ងន់ធ្ងរ និងមិនអាចទទួលយកបានលើអនុសញ្ញាអន្តរជាតិស្តីពីការការពារបេតិកភណ្ឌវប្បធម៌៕ដោយ៖ម៉ាដេប៉ូ
