តៃប៉ិ ៖ កោះតៃវ៉ាន់បានដកស្រង់ទិន្នន័យតាមដានយន្តហោះ និងនាវា ព្រមទាំងការគណនាលើថ្លៃប្រេង និងការចំណាយផ្សេងទៀត បានឱ្យដឹងថា ប្រទេសចិនបានចាយលុយដល់ទៅ ២១ ពាន់លានដុល្លារ លើការធ្វើសមយុទ្ធយោធានៅច្រកសមុទ្រតៃវ៉ាន់ សមុទ្រចិនខាងកើត និងខាងត្បូង ព្រមទាំងតំបន់ប៉ាស៊ីហ្វិកខាងលិចកាលពីឆ្នាំ២០២៤ ហក់ឡើងជិត ៤០% បើធៀបនឹងឆ្នាំ២០២៣ នេះបើតាមសារព័ត៌មាន CNA បានចេញផ្សាយកាលពីថ្ងៃព្រហស្បតិ៍។

ការស្រាវជ្រាវផ្ទៃក្នុងដោយកងកម្លាំងប្រដាប់អាវុធកោះតៃវ៉ាន់នេះ ត្រូវបានពិនិត្យដោយកាសែតរ៉យទ័រ និងបញ្ជាក់ដោយមន្ត្រីកោះតៃវ៉ាន់ចំនួន ៤ នាក់ ដែលផ្តល់នូវសេចក្ដីលម្អិតដ៏កម្រ នៅក្នុងការចំណាយលើវិស័យការពារជាតិរបស់ចិន ខណៈដែលទីក្រុងប៉េកាំងបន្តពង្រីកផ្លូវយោធា និងវិសាលភាពនៃសមយុទ្ធរបស់ខ្លួន ដែលបង្កការព្រួយបារម្ភក្នុងតំបន់ និងនៅសហរដ្ឋអាមេរិក។

យោងតាមរបាយការណ៍បានបង្ហាញថា នៅឆ្នាំ២០២៤ យន្តហោះរបស់ប្រទេសចិន រួមទាំងយន្តហោះចម្បាំង J-10 យន្តហោះទម្លាក់គ្រាប់បែក H-6 និងយន្តហោះគ្មានមនុស្សបើក បានធ្វើការហោះហើរជិត ១២.០០០លើកនៅក្នុងតំបន់ ដែលមានរយៈពេលប្រហែល ៣៧.០០០ម៉ោងនៅលើអាកាស។ តួលេខនេះកើនឡើង ៣០% បើធៀបនឹងឆ្នាំមុន។

របាយការណ៍បន្ថែមថា កងនាវាចរចិនបានធ្វើនាវាជាង 86,000 គ្រឿង រួមទាំងនាវាផ្ទុកយន្តហោះ និងនាវាពិឃាត ដែលស្មើនឹងពេលវេលាសរុបនៅសមុទ្រជាង 2 លានម៉ោង ពោលគឺកើនឡើងប្រហែល 20 ភាគរយធៀបនឹងឆ្នាំមុនសម្រាប់ម៉ែត្រទាំងពីរ។

របាយការណ៍ដដែលបានឱ្យដឹងទៀតថា ប្រហែល ៣៤%នៃការធ្វើនាវាចរណ៍របស់កងទ័ពជើងទឹកចិន ធ្វើឡើងនៅសមុទ្រចិនខាងត្បូងដែលមានជម្លោះ និង ប្រហែល ២៨% នៅសមុទ្រចិនខាងកើតជាប់ព្រំដែនជប៉ុន និងកូរ៉េខាងត្បូង ហើយជិត ១៤% ស្ថិតនៅច្រកសមុទ្រតៃវ៉ាន់ដ៏រសើប។

ប្រទេសចិនបានបញ្ចេញកញ្ចប់ថវិកាទំហំ ២៣៣,៤៧ ពាន់លានដុល្លារ ក្នុងការចំណាយលើវិស័យការពារជាតិសម្រាប់ឆ្នាំ ២០២៤ ប៉ុន្តែអ្នកការទូតជឿយ៉ាងទូលំទូលាយថា ចំនួននេះទាបជាងរបាយការណ៍ពិត។ យ៉ាងណា ទាំងក្រសួងការពារជាតិចិន និងការិយាល័យកិច្ចការតៃវ៉ាន់របស់ចិន មិនបានឆ្លើយតបទៅនឹងសំណើអត្ថាធិប្បាយលើរបាយការណ៍នេះទេ។ ប្រទេសចិនដែលចាត់ទុកកោះតៃវ៉ាន់ជាទឹកដីរបស់ខ្លួន បាននិយាយម្តងហើយម្តងទៀតថា ការចំណាយយោធារបស់ខ្លួន មានតម្លាភាពខ្លាំងណាស់ និងមិនមានការគំរាមកំហែងអ្វីឡើយ៕

ប្រភព ៖ CNA ប្រែសម្រួល ៖ ឈឹម ទីណា