វ៉ាស៊ីនតោន ៖ មនុស្សរាប់រយនាក់ប្រមូលផ្តុំគ្នានៅខាងក្រៅអគារ Trump Tower ក្នុងទីក្រុងញូវយ៉ក ដើម្បីតស៊ូមតិទាមទារសិទ្ធិកម្មករ និងបញ្ចេញរិះគន់គោលនយោបាយរបស់ប្រធានាធិបតីអាមេរិករូបនេះ។

នាង Jill Pitman អ្នកចរចាសម្រាប់សហជីពបានប្រាប់សារព័ត៌មាន AFP ថាយើងនៅទីនេះដើម្បីធ្វើឱ្យប្រាកដថា លោកប្រធានាធិបតី ត្រាំ ដឹងថា មានពួកយើងជាច្រើនដែលមិនសប្បាយចិត្តនឹងការសម្រេចចិត្តរបស់គាត់… មានពួកយើងជាច្រើនដែលចង់ឱ្យគាត់ចាកចេញពីសេតវិមាន ដោយសារតែគាត់មិនការពារវណ្ណៈកណ្តាល ហើយគាត់មិនការពារសិទ្ធិកម្មករ។

លោក Travis Morales ជាសកម្មជនមួយរូបមានវ័យ ៧៣ឆ្នាំ បាននិយាយថា រឿងសំខាន់ដែលកម្មករត្រូវការនៅអាមេរិកសព្វថ្ងៃនេះ គឺត្រូវបណ្តេញរបបហ្វាស៊ីសនិយមរបស់លោក ត្រាំ ចេញពីអំណាច ពីព្រោះគ្មាននរណាម្នាក់ ក្នុងចំនោមពួកយើងនឹងមានអនាគតទេ ប្រសិនបើរបបនេះនៅតែកាន់អំណាចនោះ៕

ប្រភព ៖ AFP ប្រែសម្រួល ៖ ឈឹម ទីណា