(ភ្នំពេញ)៖ ក្រុមកីឡាអេឡិចត្រូនិកជម្រើសជាតិកម្ពុជា ទាំងបុរស និងនារី បានប្រកួត ជម្រុះក្នុងព្រឹត្តិការណ៍កីឡាអេឡិចត្រូនិកពិភពលោក IESF Esports World Championship ឆ្នាំ២០២៥ ប្រចាំតំបន់អាស៊ីអាគ្នេហ៍ដូចគ្នា ។

ក្រុមបុរសជម្រើសជាតិកម្ពុជាក្រុមបុរសកម្ពុជា ទទួលបានចំណាត់ថ្នាក់លេខ ១ វគ្គជម្រុះប្រចាំតំបន់អាស៊ីអាគ្នេយ៍ IESF Southeast Asia Qualifier 2025 – Men ដែលបញ្ចប់នៅយប់ថ្ងៃទី២៩ ខែសីហា ឆ្នាំ ២០២៥។

លទ្ធផលវគ្គសន្សំពិន្ទុក្នុងពូលរបស់ ក្រុមបុរសកម្ពុជា

• ចាញ់ ឥណ្ឌូណេស៊ី ១-២
• ឈ្នះ ឡាវ ២-០
• ឈ្នះ វៀតណាម ២-០
• ឈ្នះ ហ្គាំ ២-០
  វគ្គពាក់កណ្តាលផ្តាច់ព្រ័ត្រ
• ឈ្នះ ហ្វីលីពីន ២-០
  វគ្គផ្តាច់ព្រ័ត្រ
  •ឈ្នះ ឥណ្ឌូណេស៊ី ២-១
  ក្រុមនារីជម្រើសជាតិកម្ពុជា

ក្រុមនារីកម្ពុជា បានទទួលបានចំណាត់ថ្នាក់លេខ ២ វគ្គជម្រុះប្រចាំតំបន់អាស៊ីអាគ្នេយ៍ IESF Southeast Asia Qualifier 2025 ដែលបញ្ចប់នៅយប់ថ្ងៃទី៤ ខែកញ្ញា ឆ្នាំ ២០២៥។
លទ្ធផល វគ្គសន្សំពិន្ទុក្នុងពូលរបស់ ក្រុមនារីកម្ពុជា

• ចាញ់ ម៉ាឡេស៊ី ០-២
• ឈ្នះ ឡាវ ២-០
• ឈ្នះ ព្រុយណេ ២-០
• ឈ្នះ ទីម័រខាងកើត ២-០
  វគ្គពាក់កណ្តាលផ្តាច់ព្រ័ត្រ
• ឈ្នះ ហ្វីលីពីន ២-០
  វគ្គផ្តាច់ព្រ័ត្រ
• ចាញ់ ម៉ាឡេស៊ី ០-២

តាមគោលការរបស់ សហព័ន្ធកីឡាអេឡិចត្រូនិកអន្តរជាតិ គឺ ក្រុមចំណាត់ថ្នាក់លេខ១ និងលេខ២ ប្រចាំតំបន់អាស៊ាន ទទួលបានកៅអី ឡើងទៅជុំចុងក្រោយ ដូច្នេះ ក្រុមបុរសកម្ពុជា ទទួលបានចំណាត់ថ្នាក់លេខ១ ហើយក្រុមនារីកម្ពុជា ទទួលបានចំណាត់ថ្នាក់លេខ២ ដែលត្រូវឡើងទៅប្រកួតជុំចុងក្រោយ។

រហូតដល់ពេលនេះ សហព័ន្ធកីឡាអេឡិចត្រូនិកអន្តរជាតិ មិនទាន់ប្រកាសជាផ្លូវការអំពីកាលបរិច្ឆេទ និងប្រទេសណាដែលទទួលធ្វើម្ចាស់ផ្ទះនៅជុំចុងក្រោយឡើយ៕

រូបភាព ៖ សហព័ន្ធ
អត្ថបទ ៖ ជាវ ចន្ធូ