រដ្ឋបាលខេត្តស្វាយរៀង ជួសជុល និងកែលម្អរមណីយដ្ឋានទួលព្រៃយាយ
អត្ថបទដោយ៖
នុត នាង
ស្វាយរៀង៖ឯកឧត្តម ប៉េង ពោធិ៍សា អភិបាលខេត្តស្វាយរៀងកាលពីចុងសប្ដាហ៍កន្លងទៅនេះ បានអញ្ជើញចូលរួមក្រុងពាលីចាប់ផ្តើមជួសជុល និងកែលម្អរមណីយដ្ឋានទួលព្រៃយាយ។
សូមជម្រាបជូនថា រមណីយដ្ឋានទួលព្រៃយាយ មានទីតាំងស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង មានចម្ងាយប្រមាណ២.៥០០ម៉ែត្រ ពីច្រកទ្វាព្រំដែនអន្តរជាតិបាវិត ។ទីទួលបុរាណនេះ ពីដើមរៀងមក រហូតដល់បច្ចុប្បន្នបានក្លាយជាទីសក្ការៈបូជារបស់ប្រជាពលរដ្ឋ ទាំងភ្ញៀវជាតិ និងអន្តរជាតិតែងតែទៅគោរពបូជា បួងសួង បន់ស្រន់សុំសេចក្តីសុខសប្បាយតាមជំនឿរបស់ខ្លួនជាបន្តបន្ទាប់រៀងរាល់ថ្ងៃ កត្តាទាំងនេះហើយដែលបានជំរុញឱ្យរដ្ឋបាលខេត្ត និងរដ្ឋបាលក្រុងបាវិតរៀបចំកែលម្អរសោភណភាពទីតាំងនេះឱ្យភាពស្រស់ស្អាត និងមានភាពទាក់ទាញសម្រាប់ជាប្រយោជន៍ពីពេលនេះទៅថ្ងៃអនាគត៕
ដោយ៖នុត នាង
