អ.ស.ប ៖ ប្រមុខអង្គការសហប្រជាជាតិ បានអំពាវនាវឱ្យ “ប្រយុទ្ធ” ប្រឆាំងនឹងព័ត៌មានមិនពិត អំពីបញ្ហាអាកាសធាតុ។

ថ្លែងនៅឯទីភ្នាក់ងារអាកាសធាតុ របស់អង្គការសហប្រជាជាតិ ហៅកាត់ WMO នៅទីក្រុងហ្សឺណែវ កាលពីថ្ងៃពុធ លោក Guterres បានបញ្ជាក់ថា «យើងត្រូវតែប្រយុទ្ធប្រឆាំងនឹងព័ត៌មានខុស និង ព័ត៌មានមិនពិត ការយាយី តាមអ៊ីនធឺណិត និងបំភ្លៃជុំវិញភាពភាពបៃតង»។ លោកបន្តថា «អ្នកវិទ្យាសាស្ត្រ និងអ្នកស្រាវជ្រាវ មិនគួរភ័យខ្លាច ការនិយាយការពិតទេ»។

យ៉ាងណា ការកត់សម្គាល់របស់លោក Guterres ត្រូវបានគេមើលឃើញថា ហាក់បានឆ្លើយតប ចំពោះសុន្ទរកថា របស់លោក Trump នៅអង្គការសហប្រជាជាតិ ក្នុងទីក្រុងញូវយ៉ក កាលពីខែមុន ដោយពេលនោះ ប្រធានាធិបតី កូតា បក្សសាធារណរដ្ឋ រូបនេះ បានចំអក ពីបច្ចេកវិទ្យាបៃតង។

លោក Trump បាននិយាយថា «ការប្រែប្រួលអាកាសធាតុ – វាជាការងារដ៏អស្ចារ្យបំផុត ដែលមិនធ្លាប់មាននៅលើពិភពលោក តាមគំនិតរបស់ខ្ញុំ»។ លោកបានមានប្រសាសន៍ថា «ការបោះត្រាកាបូន គឺជាការបោកបញ្ឆោត ដោយមនុស្ស ដែលមានចេតនាអាក្រក់»។

លោកបានបន្ថែមថា «យើងកំពុងកម្ចាត់ចោល នូវផលិតផលកកើតឡើងវិញ ដែលមានឈ្មោះក្លែងក្លាយ » ដោយលោកអះអាងថា «មិនដំណើរការ និង ថ្លៃពេក»៕

ប្រភពពី AFP ប្រែសម្រួល ៖ សារ៉ាត