(បាត់ដំបង)៖ លោកជំទាវ យក់ ណារ៉េត តំណាង​សម្តេច​កិត្តិសង្គបណ្ឌិត ម៉ែន សំអន ប្រធានគណៈ​យុទ្ធមិត្តជំនាន់បម្រើកងទ័ពឆ្នាំ១៩៧៨ បានអញ្ជើញ​ចូលរួមគោរពវិញ្ញាណក្ខន្ធ វរសេនីយ៍ទោ ម៉ៅ រ័ត្នមុនី ដែលជាយុទ្ធមិត្ត ជំនាន់បម្រើកងទ័ពឆ្នាំ១៩៧៨ បានទទួលមរណភាពនាថ្ងៃព្រហស្បតិ៍ ទី២០ ខែវិច្ឆិកា ឆ្នាំ២០២៥ ក្នុងជន្មាយុ ៦៩ឆ្នាំ ដោយរោគាពាធ ។

មរណភាពរបស់ វរសេនីយ៍ទោ ម៉ៅ រ័ត្នមុនី គឺជា​ការបាត់បង់គួរឱ្យសោកស្តាយបំផុតនូវម្តាយ ម្តាយ​ក្មេក និងជីដូន ជាទីគោរពស្រលាញ់ប្រកប​ដោយ​ព្រហ្មវិហារធម៌ដែលបានផ្តល់ដំបូន្មានល្អៗដល់កូន ចៅឱ្យក្លាយទៅ ជាពលរដ្ឋល្អនៅក្នុង សង្គមជាតិ ហើយក៏ដូចជាការបាត់បង់នូវយុទ្ធមិត្តដ៏អង់អាចក្លាហានមួយរូបដែលធ្លាប់បានចូល រួមតស៊ូជាមួយ​កម្លាំង​ប្រដាប់អាវុធ សាមគ្គីសង្គ្រោះជាតិកម្ពុជា​ក្រោមការដឹកនាំ គ្រប់គ្រង និងបញ្ជាដោយផ្ទាល់​របស់សម្តេចអគ្គមហាសេនាបតីតេជោ ហ៊ុន សែន ដើម្បីបុព្វហេតុតស៊ូរំដោះជាតិ សង្គ្រោះប្រជាជន ការពារ និងកសាងជាតិឡើងវិញ ទើបមាន​ការ​អភិវឌ្ឍន៍ជាតិមាតុភូមិលើគ្រប់ វិស័យយ៉ាង​ឆាប់​រហ័យដូចសព្វថ្ងៃនេះ។

ក្នុងឱកាសដ៏សែនក្រៀមក្រំនោះ ក្នុងនាម សម្តេចតេ​ជោប្រធានកិត្តិយស និងក្នុងនាមសម្តេច​កិត្តិសង្គ​ហ​បណ្ឌិ ម៉ែន សំអន ប្រធានគណៈយុទ្ធមិត្តជំនាន់​បម្រើ​កងទ័ពឆ្នាំ១៩៧៨ សូមចូលរួមរំលែកទុក្ខ ដោយក្តី​សោកសង្រេងបំផុតជាមួយ ក្រុមគ្រួសារសព ៕

ដោយ ៖ ហេង សម្បត្តិ