ភ្នំពេញ៖ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍បានបញ្ជាក់ថា ក្រសួងបាននិងកំពុងធ្វើការងារ លើការងារអ្នកប្រើប្រាស់ប្រស៊ីមខាតមិនមែនឈ្មោះរបស់ខ្លួន និងបានកំណត់ពេល៦ខែដើម្បីធ្វើការងារលើការ​លុបបំបាត់​អ្នកប្រើប្រាស់ស៊ីមកាតទូរសព្ទ មិនមានអត្តសញ្ញាណ( អត្តសញ្ញាណបណ្ណ)។

អាន៖មានប្រសាសន៍ក្នុងពិធីបើកវេទិកាអភិបាលកិច្ចអ៊ីនធឺណិតកម្ពុជា ឆ្នាំ២០២៥ ក្រោមប្រធានបទ “ការកសាងសង្គមឌីជីថល​កម្ពុជា ប្រកបដោយបរិយាបន្ន” ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍បានលើកឡើងថា បច្ចុប្បន្ន​អ្នកប្រើប្រាស់ស៊ីមខាតមួយចំនួនមិនបានដឹងថា ប្រើប្រាស់ដោយមិនមានឈ្មោះរបស់ខ្លួន ឬឈ្មោះរបស់គេនោះទេ ខណៈដែល​ពីមុន​មកប្រតិបត្តិការអ្នកចែកចាយនៅតាមហាងមួយចំនួនលក់ស៊ីមខាត ឱ្យអ្នកប្រើប្រាស់ ដោយដាក់ឈ្មោះអត្តសញ្ញាណ​បណ្ណរបស់ខ្លួន ដើម្បីលក់ទៅឱ្យអតិថិជនរបស់ខ្លួន ។ ឯកឧត្តមបញ្ជាក់ដោយរបៀបដាច់ណាត់ថា ក្រសួងបានកំណត់យ៉ាង​យូររយៈពេល៦ខែទៀត ពោលគឺនៅត្រឹមខែមិថុនា ឆ្នាំ២០២៦ ខាងមុខេនះ និងលុបចោលលេខទាំងអស់ដែលមិនមាន​អត្តសញ្ញាណត្រឹមត្រូវ ៕

ការលុបបំបាត់លេខទូរសព្ទ ឬស៊ីមខាត ដែលគ្មានអត្តសញ្ញាណបណ្ណ ក្រសួងបាននិងកំពុងធ្វើ គឺនិងចូលរួមចំណែកជួយដល់​សកម្មភាព​បោកប្រាស់គ្រប់ប្រភេទតាមប្រពន្ធ័លេខទូរសព្ទ័ និងតាមបណ្តាញសង្គមផ្សេងៗ។ឯកឧត្តមរដ្ឋមន្រ្តីប្រៃ​សណីយ៍​បានបញ្ជាក់បន្ថែមថា ឥឡូវនេះវិធានការមួយប្រតិបត្តិករប្រសិនជាលក់ស៊ីមខាត អត់មានអត្តសញ្ញាណនោះទេ​និងត្រូវ​ពិន័យ៥​ពាន់ដុល្លារ ក្នុងមួយស៊ីមខាត ខណៈដែលពីមុនក្រុមហ៊ុនមួយចំនួនត្រូវបានពិន័យ។ ក្រសួងប្រៃសណីយ៍ និងទូរគម​នាគមន៍ ក៏បាននិងកំពុងរៀបំអភិបាលកិច្ចទិន្ន័យ ដែលគ្រោងបញ្ចប់នៅឆ្នាំ២០២៦ខាងមុខនេះ ។

គប្បីជម្រាបជូនថា និយ័តករទូរគមនាគមន៍កម្ពុជា បានចេញសេចក្តីណែនាំលេខ ៣០៧១ ន.ទ.ក ចុះថ្ងៃទី០៧ ខែឧសភា ឆ្នាំ២០២៤ ស្តីអំពីការពង្រឹងការលក់ ចែកចាយ និងការប្រើប្រាស់ស៊ីមស្របតាមបទប្បញ្ញត្តិ ដើម្បីការពារផលប្រយោជន៍ និងការប្រើប្រាស់ស៊ីមនៅក្នុងព្រះរាជាណាចក្រកម្ពុជា តម្រូវឱ្យគ្រប់លេខទូរស័ព្ទទាំងអស់ត្រូវតែមានឯកសារ​សម្គាល់អត្តសញ្ញាណ​របស់អ្នកប្រើប្រាស់អោយបានត្រឹមត្រូវ ហើយអ្នកប្រើប្រាស់ម្នាក់ដែលមានឯកសារអត្តសញ្ញាណប័ណ្ណអាចចុះឈ្មោះត្រឹមតែ ៥ ស៊ីម តែប៉ុណ្ណោះ។ ក្រុមហ៊ុន Cellcard ក៏បានជូនដំណឹងនេះដល់អតិថិជនទាំងអស់ឱ្យបានជ្រាប ដើម្បីផ្ទៀងផ្ទាត់និងធ្វើ​បច្ចុប្បន្នភាព​ឯកសារសម្គាល់អត្តសញ្ញាណរបស់ខ្លួនឱ្យបានត្រឹមត្រូវ ដែលអាចធ្វើបានតាមរយៈ Cellcard Appផងដែរ។

យោងតាមនិយត័ករទូរគមនាគមន៍មកម្ពុជា បានឱ្យដឹងថា គិតត្រឹមខែមេសា ឆ្នាំ២០២៥ អ្នកប្រើប្រាស់ទូរសព្ទ័ចល័តមានចំនួន​ប្រមាណជាង ២០លាន៦សែនគ្រឿង។

សូមជម្រាបថា វេទិកាអភិបាលកិច្ចអ៊ីនធឺណិតកម្ពុជា ឆ្នាំ២០២៥ ក្រោមប្រធានបទ “ការកសាងសង្គមឌីជីថលកម្ពុជា ប្រកប​ដោយបរិយាបន្ន (Building Cambodia’s Inclusive Digital Society)” ដែលជាព្រឹត្តិការណ៍អមក្នុង វេទិការដ្ឋាភិបាល​ឌីជីថល ពិព័រណ៍បច្ចេកវិទ្យាឌីជីថល និងព្រឹត្តិការជាតិ-អន្តរជាតិពាក់ព័ន្ធ ដែលប្រព្រឹត្តទៅចាប់ពីថ្ងៃទី៥ ដល់ថ្ងៃទី៧ ខែធ្នូ ឆ្នាំ២០២៥ នៅមជ្ឈមណ្ឌលសន្និបាត និងពិព័រណ៍កោះពេជ្រ នារាជធានីភ្នំពេញ៕

អត្ថបទ៖ង៉ាន់ ទិត្យ
រូបភាព៖ រិន រចនា