បរទេស ៖ យោងតាមរបាយការណ៍មួយបានព្រមានថា ការប្រណាំងប្រជែងសព្វាវុធទូទាំងពិភពលោក កំពុងបង្កើនតម្រូវការឱ្យមានការទាញយករ៉ែសំខាន់ៗ សម្រាប់ផលិតអាវុធច្រើនឡើង ដែលបានគំរាមកំហែងដល់អាកាសធាតុ។

The guardian ចុះផ្សាយថ្មីៗនេះថា សារធាតុរ៉ែទាំងនេះ ដូចជាលីចូម កូបាល់ និងដីដ៏កម្រ កំពុងត្រូវបានបង្វែរទៅជាអាវុធយោធាជំនួសដោយបន្ទះសូឡា អាគុយ និងយានយន្តអគ្គិសនី។

អ្នកជំនាញបានរាយការណ៍ថា ការផ្លាស់ប្តូរនេះ បាននិងកំពុងគំរាមកំហែងដល់ការផ្លាស់ប្តូរថាមពលស្អាត ដោយបង្ហូរធនធានសំខាន់ៗ ដើម្បីពង្រឹងយោធា។

ការសិក្សានេះអះអាងថា ការផ្តល់អាទិភាពដល់តម្រូវការយោធាជាងដំណោះស្រាយអាកាសធាតុ ធ្វើឱ្យប៉ះពាល់ដល់ទាំងនិរន្តរភាពសកល និងសន្តិសុខរយៈពេលវែង៕

ប្រភព ៖ The guardian