អង់គ្លេស៖ ក្រោយកិច្ចព្រមព្រៀងរបស់ខ្លួនត្រូវបានសភាទាត់ចោលនោះ នាយករដ្ឋមន្ត្រីអង់គ្លេស លោកស្រី Theresa May បានស្នើសុំសហភាពអឺរ៉ុបពន្យារពេល Brexit រហូតដល់ថ្ងៃទី៣០ ខែមិថុនាខាងមុខ ហើយថា លោកស្រីបានប្រគល់សំណើនេះ ឱ្យទៅប្រធានក្រុមប្រឹក្សាអឺរ៉ុប លោក Donald Tusk រួចហើយ។

ប៉ុន្តែស្របពេលជាមួយគ្នានោះដែរ សមាជិកសភាខ្លះបានចាត់ទុកថា ការពន្យារពេល Brexit គឺជាទង្វើក្បត់ឆន្ទៈរបស់ប្រជាជន ហើយបើតាមការគ្រោងទុកនោះ អង់គ្លេសត្រូវចេញពីសហភាពអឺរ៉ុប ឬ Brexit នៅថ្ងៃទី២៩ ខែមីនាខាងមុខ។

គួរបញ្ជាក់ថា កិច្ចព្រមព្រៀង Brexit ជាមួយសហភាពអឺរ៉ុបរបស់លោកស្រី May ត្រូវបានសភាបដិសេធ ដូច្នេះលោកស្រីមានជម្រើសតែ២គត់ នោះគឺពន្យារពេល ឬក៏ចាកចេញពីសហភាពអឺរ៉ុបតាមគ្រោងទុក ដោយគ្មានកិច្ចព្រមព្រៀងជាមួយប្លុកអឺរ៉ុប៕ធ.ដ