ភ្នំពេញ៖ លោក ធាម ច័ន្ទពិសិដ្ឋ  ចៅក្រមស៊ើបសួរនៃសាលាដំបូងរាជធានីភ្នំពេញ កាលពីថ្ងៃទី០៩ ខែមីនា ឆ្នាំ២០១៩ បានសម្រេចចេញដីកាឃុំខ្លួនអ្នកបើករថយន្តដែលបង្កគ្រោះថ្នាក់ចរាចរណ៍ បុកបណ្ដាលឱ្យមនុស្សស្លាប់ ៣នាក់ ដាក់ពន្ធនាគារព្រៃ-ស បណ្ដោះអាសន្នដើម្បីរង់ចាំចំណាត់ការបន្ដ។ ជនបង្កឈ្មោះ ចាប កុសល អាយុ២៤ឆ្នាំ មានទីលំនៅភូមិឈើទាលជ្រុំ ឃុំក្រាំលាវ ស្រុកបាទី ខេត្តតាកែវ  ត្រូវជាប់ចោទពីបទ «បើកបរបង្កស្លាប់ឲ្យអ្នកដទៃ ដោយអចេតនា តាមបញ្ញត្ដិមាត្រា ៨៥ នៃច្បាប់ស្ដីពីចរាចរណ៍ផ្លូវគោក» ។

សូមបញ្ជាក់ថា កាលពីថ្ងៃទី០៦ ខែមីនា ឆ្នាំ២០១៩ មានគ្រោះថ្នាក់ចរាចរណ៍ដ៏រន្ធត់នេះបានកើតឡើងត្រង់ចំណុច ក្រុមហ៊ុនហ្គោលដេនប្រស្ទើរហ៊្វតវែរ ភូមិគល់ សង្កាត់កន្ទោក ខណ្ឌពោធិ៍សែនជ័យ  រាជធានីភ្នំពេញបណ្ដាល ឱ្យមនុស្សស្លាប់៣នាក់៕ ដោយៈ បញ្ញា