បុរសម្នាក់បែកគ្រាប់ភ្នែករងរបួសធ្ងន់ ដោយសារត្រូវរថយន្តមិនស្គាល់ម៉ាកកៀរឲ្យដួលនៅផ្លូវជាតិលេខ៤
ភ្នំពេញ៖ រថយន្តមិនស្គាល់ម៉ាកមួយគ្រឿងបេីកលឿនមិនប្រយ័ត្នទៅកៀរម៉ូតូហុងដាឌ្រីមសង់មួយគ្រឿងដែលធ្វេីដំណេីរស្របទិសគ្នាបណ្តាលឲ្យដួលរងរបួសធ្ងន់ បង្កឲ្យមានការណ៍ភ្ញាក់ផ្អើលឡើយកាលពីវេលាម៉ោង១១និង៣០នាទីយប់ ថ្ងៃ សៅរ៏ ទី៩ ខែមិនា ឆ្នាំ២០១៩ត្រង់ចំណុចក្បែរ អគ្គបញ្ជាការដ្ឋាន កងទ័ពជើងគោក តាមបណ្តោយផ្លូវជាតិ លេខ៤ ស្ថិតក្នុង ភូមិត្រពាំងទួល សង្កាត់កំបូល ខណ្ឌពោធិ៏សែនជ័យ រាជធានីភ្នំពេញ។
ជនរងគ្រោះរងរបួសធ្ងន់លានគ្រាប់ភ្នែក មានឈ្មោះ ស៊ុន គឹមសៀង ភេទប្រុស អាយុ៤០ឆ្នាំ ជនជាតិខ្មែរ មុខរបរជាងភ្លើង រស់នៅភូមិដើមឫស ស្រុកកណ្តាលស្ទឹង ខេត្តកណ្តាល។ ជិៈម៉ូតូម៉ាកឌ្រីមសង់១២៥ ស៊េរី២០០៥ ពណ៌ខ្មៅ ពាក់ស្លាកលេខ កណ្តាល1C.5372 ។
តាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលកើតហេតុគេឃើញបុរសម្នាក់បានជិះម៉ូតូមួយគ្រឿងដោយធ្វេីដំណេីរតាមបណ្ដោយផ្លូវជាតិលេខ៤ ក្នុងទិសដៅពីកេីតទៅលិច។ លុះមកដល់ចំណុចកើតហេតុ ស្របពេលដែលមានរថយន្តមួយគ្រឿងមិនស្គាល់ម៉ាក បើកតាមបណ្ដោយផ្លូវជាតិលេខ៤ស្របទឹសគ្នា ខណៈពេលនោះ បានបេីកមកពីក្រោយម៉ូតូរងគ្រោះ រួចកៀរម៉ូតូរងគ្រោះ បណ្តោយឲ្យម៉ូតូរងគ្រោះដួល បែកមុខលានគ្រាប់ភ្នែករងរបួសធ្ងន់ ចំណែកឯរថយន្តបង្កមិនចាំម៉ាកខាងលេី បានបន្ថែមល្បឿនបេីករត់គេចខ្លួនបាត់ស្រមោលដោយសុវត្ថិភាព។ មួយសន្ធុះក្រោយមកក៏ឃើញមានប្រពន្ធរបស់ជនរងគ្រោះមកដល់ហើយក៏ឲ្យរថយន្តសង្រ្គោះដឹកប្តីរបស់គាត់ទៅមន្ទីពេទ្យកាល់ម៉ែត្រ។
ក្រោយពេលកើតហេតុសមត្ថកិច្ចមូលដ្ឋាន ទាក់ទងហៅសមត្ថកិច្ចជំនាញឲ្យចុះមកធ្វើការវាស់វែង យកម៉ូតូទៅរក្សាទុកនៅអធិការដ្ឋាននគរបាល ខណ្ឌពោធិ៏សែនជ័យ ដើម្បីរង់ចាំសាច់ញាតិមកយកនៅពេលក្រោយ៕
