ចិន៖ ថ្មីៗនេះ ក្រុមហ៊ុនយក្សនៅប្រទេសចិន Alibaba បានសម្រេចចុះកិច្ចព្រមព្រៀងជាមួយប្រទេសម៉ាឡេស៊ី ក្នុងការទិញធុរេន Mao Shan Wang ពីម៉ាឡេស៊ី លក់តាមអនឡាញ Tmall ខណៈដែលក្រុមហ៊ុនមួយនេះ បាននិងកំពុងទិញធុរេនពីថៃ លក់តាមអនឡាញដូចគ្នា។ នៅចិន ធុរេនប្រភេទនេះត្រូវបានគេហៅថា Musang King ។

Alibaba កំពុងទិញធុរេនពីប្រទេសថៃ ដើម្បីដាក់លក់តាមអនឡាញ Tmall  ពោលគឺក្រោយពេលដែលកំពូលមហាសេដ្ឋីពិភពលោក Jack Ma ស្ថាបនិកក្រុមហ៊ុនមួយនេះបានធ្វើបទបង្ហាញពីរបៀបលក់លឿន និងងាយស្រួលផ្លែធុរេន ដែលលោកហៅថា «ស្តេចផ្លែឈើ» ទៅកាន់អតិថិជនចិន កាលពីថ្មីៗនេះ។ លោក Jack Ma ធ្លាប់បាននិយាយប្រាប់អ្នកសារព័ត៌មានថា ប្រសិនបើនរណាអាចលក់ធុរេនបានជិត១លានផ្លែ នោះ Tmall អាចលក់បាន៨០ម៉ឺនផ្លែ ក្នុងមួយនាទី៕