នៅថ្ងៃទី១វិច្ឆិកានេះ នាវាទេសចរណ៍អន្តរជាតិ១គ្រឿង ឈ្មោះ Costa Fortuna របស់ប្រទេស Italy ចូលមកកំពង់ផែស្វយ័តអន្តរជាតិខេត្តព្រះសីហនុ មានភ្ញៀវទេសចរចម្រុះជាតិសាសន៍សរុបចំនួន៣ពាន់១៧៥នាក់ មាន២០សញ្ជាតិ។ នាវានោះ មកពីប្រទេសថៃ គោលបំណងចូលមកដើម្បីធ្វើទស្សនកិច្ច និងកំសាន្តក្នុងខេត្តព្រះសីហនុ។  នាវាទេសចរណ៍នោះ នឹងចាកចេញពីកំពង់ផែស្វយ័តក្រុងព្រះសីហនុនៅម៉ោង៦ល្ងាច នៅថ្ងៃដដែល ដោយឆ្ពោះទៅកាន់កំពង់ផែ Phu Quoc ប្រទេសវៀតណាម៕ម.ន