ខេត្តព្រៃវែង ស្ថិតនៅកំពូលតារាង បាល់ទាត់លីគ២កម្ពុជា សប្តាហ៍ទី៣ ចំណែកក្រុមនារីខេត្តកំពង់ស្ពឺស្ថិតនៅកំពូលតារាង ជម្រើសជើងឯកបាល់ទាត់នារី សប្តាហ៍ទី៤ ឆ្នាំ២០២០
ក្រុមបាល់ទាត់ខេត្តព្រៃវែង ស្ថិតនៅកំពូលតារាងបណ្តោះអាសន្នក្រោយយកឈ្នះ ខេត្តស្វាយរៀង ៦ ទល់នឹង០ ក្នុងសប្តាហ៍ទី៣ នៃការប្រកួតបាល់ទាត់លីគ២កម្ពុជា ថ្ងៃទី១៧ ខែតុលា ។ ខណៈ៤ប្រកួតផ្សេងទៀត ក្រុមសៀមរាប អេហ្វស៊ី ចាញ់កោះកុង អេហ្វស៊ី ១ទល់នឹង២ , ក្រុមបាល់ទាត់ឬទ្ធីសែន ចាញ់ក្រុម Tiffy Army ២ទល់នឹង៨ , ក្រុមភ្នំពេញក្រោន U-21 យកឈ្នះខេត្តកំពង់ស្ពឺ ៤ទល់នឹង១ , ISI ដង្កោសែនជ័យ ចាញ់ ខេត្តត្បូងឃ្មុំ ០ទល់នឹង២ ។
ចំណែកការប្រកួតបាល់ទាត់នារីថ្ងៃទី១៨ ក្នុងសប្តាហ៍ទី៤ ក្រុមបាល់ទាត់នារីខេត្តកំពង់ស្ពឺ បន្តឈរកំពូលតារាង ដោយយកឈ្នះក្រុមនារីខេត្តកំពង់ធំ ១៦ទល់នឹង០ , បឹងកេត ស្មើ១ទល់នឹង១ ជាមួយកំពង់ឆ្នាំង , បាត់ដំបង ស្មើ២ទល់នឹង២ ជាមួយសៀមរាប , ខេត្តកណ្តាល ចាញ់ព្រះខ័ណ្ឌរាជស្វាយរៀង ០ទល់នឹង៧ , ភ្នំពេញក្រោន យកឈ្នះសមាគមន៍កីឡាបាល់ទាត់ ខ.ភ.ម ១០ទល់នឹង០ ។
សូមបញ្ជាក់ថា ស្ថានីយ៍ទូរទស្សន៍ អប្សរា ប៉ុស្ត៍លេខ១១ បានសហការជាមួយសហព័ន្ធកីឡាបាល់ទាត់ កម្ពុជា ធ្វើការផ្សាយផ្ទាល់រួមជាមួយ Page Apsara TV News , Page Apsara Central , Page AMS Sports , Page សហព័ន្ធកីឡាបាល់ទាត់កម្ពុជា , Page បាល់ទាត់នារី និង Page លីគទី២ផងដែរ ដោយការប្រកួតបាល់ទាត់លីគ២កម្ពុជាល់នឹងធ្វើការផ្សាយផ្ទាល់រៀងរាល់ថ្ងៃសៅរ៍ ចំណែកការប្រកួតជម្រើសជើងឯកបាល់ទាត់នារី នឹងធ្វើការផ្សាយផ្ទាល់រៀងរាល់ថ្ងៃអាទិត្យ ចាប់ពីវេលាម៉ោង ១៥:០០ នាទីរសៀលតទៅ សូមកុំភ្លេចរង់ចាំតាមដានការប្រកួត ទាំងអស់គ្នា គាំទ្រកីឡាជាតិ ដើម្បីដំណើរឆ្ពោះទៅ ធ្វើម្ចាស់ផ្ទះកីឡាស៊ីហ្គេម លើកទី៣២ ឆ្នាំ២០២៣ ទាំងអស់គ្នា៕
