ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត នៅថ្ងៃទី១៨ ខែតុលា ឆ្នាំ២០២០ព្រះអង្គទាំងទ្វេសព្វព្រះរាជហឫទ័យត្រាស់បង្គាប់ ក្រុមមន្រ្តី នៃក្រសួងព្រះបរមរាជវាំង នាំយក ព្រះរាជអំណោយយកទៅចែកជួនប្រជាពលរដ្ឋ ដែលរងគ្រោះស្ថិតក្នុងសង្កាត់កណ្តាលដុំ ក្រុងច្បារមន និងឃុំតាំងក្រូច, ឃុំកាហែង ស្រុកសំរោងទង ខេត្តកំពង់ស្ពឺ ។ គ្រួសារនីមួយៗទទួលបាន អង្ករ ៥០គីឡូ, មី ១កេស, ឃីត ១កញ្ចប់ , ត្រីខ ១០កំប៉ុង, កៅស៊ូតង់ ចំនួន ១, សាប៊ូដុំ ចំនួន ៥ដុំ ,អាវយឺតស្លាកព្រះរាជអំណោយ ១ និងថរិកា ៤០ម៉ឺនរៀល។

ដោយឡែកកាលពីថ្ងៃទី១៧ ខែតុលា ឆ្នាំ២០២០ ព្រះមហាក្សត្រនិងសម្តេចម៉ែបានប្រោសព្រះរាជប្រទានអំណោយដល់ប្រជារាស្រ្តរងគ្រោះដោយទឹកជំនន់ ចំនួន៥៤៥គ្រួសារនៅខេត្តកណ្តាល។ ព្រះរាជអំណោយ ត្រូវបានយកទៅចែកជួនប្រជាពលរដ្ឋ ដែលរងគ្រោះស្ថិតក្នុងឃុំពើក ស្រុកអង្គស្នួល ខេត្តកណ្តាលគ្រួសារនីមួយៗទទួលបានអង្ករ៥០គីឡូក្រាម, មី១កេស, ឃីត១កញ្ចប់រួមមានមុង១, ក្រមា១, សារុង១, ភួយ១ ត្រីខ១០កំប៉ុង, កៅស៊ូតង់១, សាប៊ូដុំ៥ដុំ, អាវយឺតស្លាកព្រះរាជអំណោយ១ និងថរិកាចំនួន៤០ម៉ឺនរៀល។៕