ភ្នំពេញ៖ រថយន្ត២គ្រឿងបុកគ្នាចំពេញទំហឹងនៅផ្លូវបំបែកជាបួន បណ្តាឲ្យរងការខូចខាតយ៉ាងដំណំ ហេតុការណ៍នេះ កើតឡើងកាលពីរវេលាម៉ោង៩ និង៣០នាទី ថ្ងៃទី១៧ ខែមិថុនា ឆ្នាំ២០២០ ស្ថិតនៅតាមបណ្តោយផ្លូវ ៦០៦ កែងនិងផ្លូវ ៣០៧ ក្នុងសង្កាត់បឹងកក់ទី២ ខណ្ឌទួលគោក រាជធានីភ្នំពេញ។

តាមប្រភពព័ត៌មានពីកន្លែងកេីតហេតុ បានឲ្យដឹងថា មុនពេលកេីតហេតុ គេបានឃេីញរថយន្ត១គ្រឿងម៉ាក Starex ពណ៌ទឹកប្រាក់ ពាក់ស្លាក់លេខ ភ្នំពេញ 2AQ-7321 ធ្វើដំណើរតាមបណ្តោយផ្លូវ ៦០៦ ទិសដៅពីលិចទៅកើតក្នុងល្បឿនល្មម ស្រាប់តែមានរថយន្តម៉ាក Lexus GS 300 ពណ៌ខ្មៅ ពាក់ស្លាក់លេខ ភ្នំពេញ 2G-3999 ១គឿងទៀតធ្វើដំណើរតាមបណ្តោយផ្លូវ ៣០៧ ទិសដៅពីត្បូងទៅជើងក្នុងល្បឿនយ៉ាងលឿន លុះមកដល់ផ្លូវបំបែកជាបួនចាប់ហ្រ្វាំងមិនទាន់ជ្រុលទៅបុករថយន្តម៉ាក Starex ពីចំហៀងខាងស្តាំចំពេញទំហឹង បណ្តាលឲ្យរថយន្ត Starex រងការខូតខាតទ្វារខាងស្តាំ រីឯរថយន្ត Lexus ជាអ្នកបង្ករងការខូចខាតខាងមុខយ៉ាងដំណំ។ ហេតុការណ៍គ្រោះថ្នាក់ចរាចរណ៍នេះ មិនបង្កឲ្យមាននណាម្នាក់រងបួសនោះទេ។

ក្រោយពេលកេីតហេតុ សមត្ថកិច្ចមូលដ្ឋានបានចុះមកដល់ ក៏បានទាក់ទងទៅសមត្ថកិច្ចជំនាញ ចុះមកវាស់វែងយករថយន្តទាំង២គ្រឿង ទៅរក្សាទុកនៅ ការិយាល័យ នគរបាល ចរាចរណ៍ ផ្លូវគោក  នៃស្នងការដ្ឋាននគរបាល រាជធានីភ្នំពេញ រងចាំដោះស្រាយគ្នា នៅពេលក្រោយ ៕ ដោយ៖ ឆៃ ហួត