កីឡាករវាយកូនបាល់ Daniil Medvedev បានយកឈ្នះម្ចាស់ជើងឯក US Open កីឡាករ Dominic Thiem និងឈ្នះពានរង្វាន់ធំបំផុតនៃអាជីពរបស់គាត់នៅឯព្រឹត្តិការណ៍ ATP Finals រដូវកាល២០២០ នៅទីក្រុងឡុងនាថ្ងៃទី២២ ខែវិច្ឆិកា ​ឆ្នាំ២០២០ ។ ជើងខ្លាំមកពីរុស្ស៊ី Daniil Medvedev បាន​​យកឈ្នះក្នុងលទ្ធផល ៤-៦ ៧-៦ (៧-២) ៦-៤ លើកីឡាករ​លំដាប់​ទី ៣ ពិភពលោក Dominic Thiem នៅទីលាន O2 ។

គួររំលឹកផងដែលថា Medvedev គឺជាកីឡាករតែម្នាក់គត់ដែលបានផ្តួល​កីឡាករដែលមាន​ចំណាត់ថ្នាក់ខ្ពស់ជាងគេទាំងបី នៅក្នុងព្រឹត្តិការណ៍​បញ្ចប់រដូវកាល បន្ទាប់​ពីបានទទួលជ័យ​ជម្នះ​មុនរបស់គាត់លើ Novak Djokovic និង Rafael Nadal ។