មិនដល់មួយឆ្នាំផង! តន់ ចន្ទសីម៉ា ចេញបទចម្រៀងនៅផលិតកម្ម Galaxy Navatra បាន៦៩បទ និងមានអ្នកមើល៤៤១លានដង
ភ្នំពេញ ៖ នៅលើគេហទំព័រផ្លូវការរបស់ផលិតកម្ម Galaxy Navatra បានបង្ហោះនូវរឿងរ៉ាវដ៏អស្ចារ្យមួយរបស់តារាចម្រៀងស្រី កញ្ញា តន់ ច័ន្ទសីម៉ា ខណៈមិនទាន់បានមួយឆ្នាំផង កញ្ញាច្រៀងបាន៦៩បទដែលរៀបរាប់ថា តន់ ចន្ទសីម៉ា មានអ្នកមើលសរុបរហូតដល់៤៤១លានដង ។
វាពិតជាមិនគួរឲ្យជឿ ដែលតារាចម្រៀងវ័យក្មេង តន់ ចន្ទសីម៉ា ប្រើពេលមិនដល់មួយឆ្នាំផង អាចបានលទ្ធផលបែបនេះ ភាពប្រែប្រួលនៃសិល្បៈនៅទសវត្សរ៍ថ្មីបានបញ្ជាក់ឲ្យឃើញថា ប្រជាប្រិយភាពពិតរបស់តារាចម្រៀង គឺស្ថិតនៅលើសមត្ថភាព ការតស៊ូ ការព្យាយាម អត់ធ្មត់ និងអត្តចរិតល្អនៅក្នុងកាងារ ។ កញ្ញា តន់ ចន្ទសីម៉ា ស្ទើរតែគ្មានពេលសម្រាប់ខ្លួនឯងសោះ គឺបានផ្ដល់អោយការងារស្ទើរតែទាំងស្រុង ពិតជាគួរអោយស្ងើចសសើរនូវការប្រឹងប្រែងតស៊ូរបស់គាត់ណាស់ ។
ជាមួយគ្នានោះ កញ្ញា តន់ ចន្ទសីម៉ា ជាសាម៉ីខ្លួនក៏បានចែករំលែកនូវរឿងរ៉ាវអស្ចារ្យនេះបន្ត ដែលភ្ជាប់ដោយសំណេរថ្លែងអំណរគុណដល់មហាជនថា «ខ្ញុំមានតែម្រាមដៃ១០សំពះអរគុណពុកម៉ែបងប្អូនដែលគាំទ្រនាងខ្ញុំដោយទឹកចិត្ត និងបេះដូង អរគុណថ្នាក់ដឹកនាំ និង ក្រុមការងារផលិតកម្ម Galaxy Navatra ទាំងអស់ផងដែរ» ៕
