បាត់ដំបង៖ ឯកឧត្តម សក់ សេដ្ឋា រដ្ឋលេខាធិការប្រចាំការក្រសួងមហាផ្ទៃ និងជាប្រធានក្រុមការងារ ថ្នាក់ជាតិចុះជួយមូលដ្ឋានស្រុកបវេល អមដំណើរដោយឯកឧត្តម ប្រាក់ សំអឿន អគ្គនាយក នៃអគ្គនាយកដ្ឋានរដ្ឋបាល នៃក្រសួងមហាផ្ទៃ និងឯកឧត្តម ណុប ដារ៉ា អភិបាលរង នៃអភិបាលខេត្ត បានអញ្ជើញចុះត្រួតពិនិត្យដំណើរការនៃការជួសជុលអគារសិក្សា ខ្លោងទ្វារ សួនច្បារ ក្នុងបរិវេណ វិទ្យាល័យបវេល និងសាលាបឋមសិក្សាកោះរៀម ខេត្តបាត់ដំបង កាលពីថ្ងៃអាទិត្យ ទី២៧ ខែធ្នូ ឆ្នាំ២០២០ ។

នៅក្នុងឱកាសចុះពិនិត្យការដ្ឋានសាងសង់វិទ្យាល័យបវេល និងសាលាបឋមសិក្សាកោះរៀមនេះ ឯកឧត្តម សក់ សេដ្ឋា បានណែនាំដល់មន្ត្រីពាក់ព័ន្ធ និងក្រុមជាងសាងសង់ទាំងអស់ សូមឱ្យគិតពី គុណភាពជាចម្បង និងធ្វើយ៉ាងណា ឱ្យទាន់កាលកំណត់ ចៀសវាងការយឺតយ៉ាវ នាំឱ្យខកខានដល់ ការសិក្សារបស់សិស្សានុសិស្ស ៕ ដោយ វណ្ណលុក