សេដ្ឋកិច្ចថៃធ្លាក់ចុះខ្លាំងបំផុតមិនធ្លាប់មានក្នុងរយៈពេលជាងពីរទសវត្សរ៍កន្លងមកនេះ ដោយសារតែវិបត្តិកូវីដ១៩ធ្វើអោយប៉ះពាល់ធ្ងន់ធ្ងរដល់វិស័យទេសចរណ៍
ថៃ៖ រដ្ឋាភិបាលថៃបានកាត់បន្ថយការព្យាករណ៍របស់ខ្លួនសម្រាប់កំណើនសេដ្ឋកិច្ចនៅក្នុងឆ្នាំនេះ ដែលបានធ្លាក់ចុះពី២.៥ទៅ៣.៥ភាគរយ បន្ទាប់ពីសេដ្ឋកិច្ចប្រទេសដែលរងការវាយប្រហារពីជំងឺរាតត្បាតនេះ បានធ្លាក់ចុះខ្លាំងបំផុតមិនធ្លាប់មាន ក្នុងរយៈពេលជាងពីរទសវត្សរ៍កន្លងមកកាលពីឆ្នាំ២០២០ ដោយមន្ត្រីបានលើកឡើងពីកត្តាឧស្សាហកម្មទេសចរណ៍ដួលរលំ និងភាពចលាចលនយោបាយដែលកំពុងកើតមាន ។
ការធ្លាក់ចុះដ៏អាក្រក់បំផុតខាងលើនេះ មានចំនួនពី ២.៥ ទៅ ៣.៥ ភាគរយ ខណៈដែលការប៉ាន់ស្មានពីមុន មានចំនួនពី ៣.៥ ទៅ ៤.៥ ភាគរយ បើទោះបីជាមានការរីកចម្រើនបន្តិចបន្តួចក្នុងរយៈពេល០៣ខែចុងក្រោយនេះក៏ដោយ ។
គួរបញ្ជាក់ផងដែរថា ការធ្លាក់ចុះ ៦.១ ភាគរយកាលពីឆ្នាំមុន គឺជាការធ្លាកចុះដ៏អាក្រក់បំផុតចាប់តាំងពីការធ្លាក់ចុះ ៧.៦ ភាគរយ ក្នុងអំឡុងវិបត្តិហិរញ្ញវត្ថុនៅតំបន់អាស៊ីក្នុងឆ្នាំ១៩៩៧ មក ហើយក្រុមមន្រ្តីថៃបាននិយាយថា ពួកគេរំពឹងថា សេដ្ឋកិច្ចថៃនឹងកើនឡើងក្នុងល្បឿនយឺតជាងការព្យាករណ៍ដំបូងក្នុងឆ្នាំ ២០២១ នេះ ៕ ប្រភព៖ Bangkok Post
