៣ក្រុមរកបានម្នាក់១គ្រាប់ដូចគ្នា កាលពីយប់មិញ នៅក្របខ័ណ្ឌ Premier League គឺក្រុមតោខៀវ Chelsea បានយកឈ្នះ ហង្សក្រហម Liverpool មាន់ខ្នាយមាស Tottenham Hotspur យកឈ្នះ Fulham និង ស្ករគ្រាប់ Everton បានយកឈ្នះ West Bromwich Albion ។ ជ័យជំនះរបស់ តោខៀវរកបានដោយកីឡាករ Mason Mount នៅនាទី៤២ រីឯជ័យជំនះរបស់ មាន់ខ្នាយមាស រកបានដោយកីឡាករ Tosin Adarabioyo នៅនាទី១៩ ដោយធ្វើអោយបាល់ចូលទីខ្លួនឯងខណៈជ័យជំនះរបស់ ក្រុមស្ករគ្រាប់ រកបានដោយកីឡា Richarlison នៅនាទី៦៥ ។

គូសបញ្ជាក់ថា ក្រុមតោខៀវ ឆ្លងកាត់២៧ប្រកួត មាន៤៧ពិន្ទុ ឈរនៅលេខ៤ក្នុងតារាង នៅពីលើក្រុមលេខ៥ Everton ដែលឆ្លងកាត់២៦ ប្រកួត មាន៤៦ពិន្ទុ ខណៈមាន់ខ្នាយមាស Tottenham Hotspur ស្ថិតនៅលេខ៧ ឆ្លងកាត់២៦ប្រកួត មាន៤២ពិន្ទុ ។

សូមបញ្ជាក់ថា សម្រាប់ប្រកួតបន្ទាប់ក្រុមមាន់ខ្នាយមាស Tottenham Hotspur ត្រូវជួប Crystal Palace ថ្ងៃទី៧ ខណៈ តោខៀវ Chelsea នឹងត្រូវជួប ស្ករគ្រាប់ Everton នៅថ្ងៃទី៨ ខែមីនា ឆ្នាំ២០២១ នៃក្របខ័ណ្ឌ Premier League រដូវកាល២០២១ ៕