ស្ថានទូតចិននៅមីយ៉ាន់ម៉ាបញ្ជាក់ថា បុគ្គលិកជនជាតិជាច្រើននាក់រងរបួស ក្រោយរោងចក្រដែលផ្តល់ហិរញ្ញប្បទានដោយចិនត្រូវបានដុតបំផ្លាញនៅទីនោះ
មីយ៉ាន់ម៉ា៖ ស្ថានទូតចិនប្រចាំប្រទេសមីយ៉ាន់ម៉ាបញ្ជាក់ថា បុគ្គលិកជនជាតិចិនជាច្រើននាក់បានរងរបួស និងជាប់នៅក្នុងការវាយប្រហារដោយការដុតបំផ្លាញពីជនមិនស្គាល់អត្តសញ្ញាណទៅលើរោងចក្រកាត់ដេរ នៅឯសង្កាត់ ហ្លាំងថាយ៉ា ។
ជាមួយគ្នានេះ ស្ថានទូតចិនប្រចាំប្រទេសមីយ៉ាន់ម៉ាបានចេញសេចក្តីថ្លែងការណ៍នៅលើបណ្តាញសង្គមហ្វេសបុក ដោយស្នើអោយកងកម្លាំងមីយ៉ាន់ម៉ាការពារទ្រព្យសម្បត្តិ និងពលរដ្ឋចិន ហើយបានរៀបរាប់ពីស្ថានភាពក្នុងប្រទេសមីយ៉ាន់ម៉ាថា គឺធ្ងន់ធ្ងរណាស់ និងបានអំពាវនាវអោយពលរដ្ឋខ្លួននៅមីយ៉ាន់ម៉ាត្រូវមានការប្រុងប្រយ័ត្នខ្ពស់ ។
ក្រុមអ្នកតស៊ូមតិមួយបាននិយាយថា កងកម្លាំងសន្តិសុខបានសម្លាប់ក្រុមអ្នកតវ៉ាប្រឆាំងរដ្ឋប្រហារយ៉ាងតិច២២នាក់នៅសង្កាត់ ហ្លាំងថាយ៉ា នៅជាយទីក្រុង យ៉ាងហ្គោន នៅថ្ងៃអាទិត្យម្សិលមិញនេះ បន្ទាប់ពីរោងចក្រដែលផ្តល់ហិរញ្ញប្បទានដោយចិនត្រូវបានដុតបំផ្លាញនៅទីនោះ ។ បើតាមទូរទស្សន៍ Myawadday ដែលគ្រប់គ្រងដោយយោធា កងកម្លាំងសន្តិសុខបានធ្វើសកម្មភាព បន្ទាប់ពីរោងចក្រកាត់ដេរចំនួន៤ និងរោងចក្រផលិតជីរកសិកម្មមួយត្រូវបានដុតឆេះ ៕ ប្រភព៖ AFP
