សប្បុរសជនជាតិកូរ៉េម្នាក់បានទទួលគ្រឿងឥស្សរិយយស សហមេត្រី ថ្នាក់ ធិបឌិន្ទ ពីប្រទេសកម្ពុជា
អត្ថបទដោយ៖
ធី ដា
លោក ឡុង ឌីម៉ង់ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ នៅថ្ងៃទី៣០មីនាឆ្នាំ២០២១ បានអញ្ជើញបំពាក់គ្រឿងឥស្សរិយយស សហមេត្រី ថ្នាក់ ធិបឌិន្ទ ជូនដល់ លោក Choong Hwan Noh ប្រធានក្រុមហ៊ុន BL Pharm Co. Ltd។ លោក Choong Hwan Noh កន្លងមកបានផ្តល់ជំនួយនូវថ្នាំ Vycin ចំនួន៤០កេស ស្មើនឹង១ម៉ឺនដូស និងថ្នាំសំលាប់សត្វល្អិត ១ម៉ឺនគ្រាប់ ដែលសរុបជាថវិកា ប្រមាណ១៥ម៉ឺនដុល្លារ) ជូនដល់ក្រសួងសុខាភិបាល នៃព្រះរាជាណាចក្រកម្ពុជា តាមរយៈស្ថានទូតកម្ពុជាប្រចាំសាធារណរដ្ឋកូរ៉េ។ លោក ឡុង ឌីម៉ង់ បានថ្លែងអំណរគុណចំពោះ លោក Choong Hwan Noh និងសហការី ដែលបានផ្តល់ជំនួយយ៉ាងច្រើនជូនដល់ប្រទេសកម្ពុជា។
ធី ដា
លោក ធី ដា ជាបុគ្គលិកផ្នែកព័ត៌មានវិទ្យានៃអគ្គនាយកដ្ឋានវិទ្យុ និងទូរទស្សន៍ អប្សរា។ លោកបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ ផ្នែកគ្រប់គ្រង បរិញ្ញាបត្រផ្នែកព័ត៌មានវិទ្យា និងធ្លាប់បានប្រលូកការងារជាច្រើនឆ្នាំ ក្នុងវិស័យព័ត៌មាន និងព័ត៌មានវិទ្យា ៕
