អគ្គិភ័យមួយបានបង្ករឲ្យឆេះផ្ទះប្រជាពលរដ្ឋ១ខ្នង ស្ថិតនៅស្រុកបរកែវ ខេត្តរតនគិរី ។ អគ្គីភ័យបានបំផ្លាញទ្រព្យសម្បត្តិអស់ជាច្រើន ប៉ុន្តែមិនបណ្តាលឲ្យប៉ះពាល់ដល់អាយុជីវិតមនុស្ស ឬផ្ទះអ្នកជិតខាងនោះទេ។ សមត្ថកិច្ចមូលដ្ឋានបានបញ្ជាក់ថា អគ្គីភ័យនេះ គឺបណ្ដាលមកពីឆ្លងចរន្តអគ្គីសនី។ កម្លាំងប៉ុស្ដិ៍នគរបាលឡាមិញ បានសហការជាមួយកម្លាំងអធិការនគរបាលស្រុក បានអន្តរាគមន៍ពន្លត់អគ្គិភ័យដោយ ប្រើប្រាស់ឡានទឹកអស់ចំនួន២គ្រឿង ចុះជួយអន្ដរាគមន៍បាញ់ពន្លត់ដែរ ជាអកុសលផ្ទះត្រូវបានអគ្គីភ័យលេបត្របាក់អស់បាត់ទៅហើយ ដោយសារភ្លើងឆេះខ្លាំងពេក។