អ្នកទោសក្នុងពន្ធនាគារខេត្តកំពង់ស្ពឺម្នាក់ ត្រូវគេរាយការណ៍ថាបានបាត់បង់ជីវិតដោយសារតែជម្ងឺកូវីដ១៩។ អភិបាលខេត្តកំពង់ស្ពឺ លោក វ៉ី សំណាង ត្រូវបានបណ្តាញសារព័ត៌មានក្នុងស្រុកដកស្រង់សម្តីដែលបញ្ជាក់ថាពិតជា មានស្ត្រីអ្នកទោសអាយុ៦៦ឆ្នាំម្នាក់បានស្លាប់ដោយសារតែជម្ងឺកូវីដ១៩នោះមែន។

លោកបានបញ្ជាក់ថាអ្នកជំងឺ ឈ្មោះ ឡាំ សុខា គឺជាអ្នកទោសដែលមានជំងឺប្រចាំកាយច្រើន ប៉ុន្តែនៅពេលដែលមានការឆ្លងមេរោគកូវីដ-១៩ ចូលទៅក្នុងខ្លួន បានធ្វើឱ្យគាត់កាន់តែមានបញ្ហាធ្ងន់ធ្ងរ និងបានបាត់បង់ជីវិត។ ខេត្តកំពង់ស្ពឺមានអ្នកទោសចំនួន១ ពាន់៨០២នាក់។ មន្ត្រីខេត្តបានបញ្ជាក់ថា ក្នុងពន្ធនាគារ ខេត្តកំពង់ស្ពឺនោះ គឺមានអ្នកទោស ឆ្លងកូវីដ-១៩ ចំនួន ប្រមាណជាង១០០នាក់។