ខេត្តមណ្ឌលគិរី បានរកឃើញអ្នកឆ្លងកូវីដ១៩ថ្មី ចំនួន ១៦នាក់ ថែមទៀត ក្នុងរយៈពេល ២៤ម៉ោង​ចុង​ក្រោយ​នេះ ដែលជាតួលេខច្រើនជាងពីម្សិលម៉ិញរហូតដល់ ១២នាក់ ។ ខេត្តមណ្ឌលគិរី កាលពីថ្ងៃច័ន្ធម្សិលម៉ិញ បាន​រកឃើញអ្នកឆ្លងកូវីដ១៩ ចំនួនតែ ៤នាក់នោះទេ ។

យោងតាមរដ្ឋបាលខេត្ត អ្នកដែលទើបរកឃើញ​ឆ្លងថ្មី​នៅ​ថ្ងៃនេះ ជាករណីឆ្លងនៅក្នុងសហគមន៍ទាំងអស់ ដែលអ្នកទាំងនោះសុទ្ធតែមានប្រវត្តិធ្លាប់ប៉ះ​ពាល់ជាមួយ​អ្នកមានជំងឺកូវីដ១៩ ។ អ្នកជំងឺកូវីដ១៩ថ្មី ដែលទើបរកឃើញមានវិជ្ជមានកូវីដ១៩ នៅថ្ងៃនេះ ជាពលរដ្ឋមាន​អាសយដ្ឋាននៅក្នុងស្រុក អូររាំង ៣នាក់ និងនៅក្នុងក្រុងសែនមនោរម្យចំនួន ១៣នាក់ ។