វ៉ាក់សាំង២លានដូសបន្ថែមទៀតពីប្រទេសចិន បានដឹកជញ្ជូនមកដល់កម្ពុជាជាបន្តបន្ទាប់ ដែលបង្ហាញនូវ នយោបាយការទូតដ៏ប៉ិនប្រសប់របស់ប្រមុខដឹកនាំរាជរដ្ឋាភិបាលកម្ពុជា។

វ៉ាក់សាំងស៊ីណូវ៉ាក់២លានដូសចុង ក្រោយនេះ រួមមានវ៉ា់ក់សាំងមួយលានដូសបានមកដល់កម្ពុជាកាលពីថ្ងៃទី២៦មិថុនា និងវ៉ាក់សាំងមួយលាន ដូសទៀតទើបបានដឹកមកដល់កម្ពុជានាព្រឹកថ្ងៃច័ន្ទទី២៨មិថុនានេះ ដែលនាំឲ្យវ៉ាក់សាំងដឹកជញ្ជួនពីប្រទេសចិន គិតសរុបតាំងពីខែកុម្ភៈឆ្នាំ២០២១នោះមក មានសរុបជាង១០លានដូសហើយ ទាំងវ៉ាក់សាំងជំនួយនិងវ៉ាក់សាំង បញ្ជាទិញពីប្រទេសចិនដែលជាប្រទេសនៃមិត្តភាពដែកថែប។