ចំនួនមនុស្សដែលបានចាក់វ៉ាក់សាំងរយៈពេល២៤ម៉ោងកន្លងមកនេះ មានចំនួន៤ម៉ឺន៦ពាន់៨០៤នាក់ដែលនាំ ឲ្យចំនួនអ្នកចាក់វ៉ាក់សាំងទូទាំងប្រទេសកម្ពុជាបានកើនឡើង៤លាន៧សែន១ពាន់២៥៥នាក់។

ចំនួននេះ គឺស្មើនឹងជាង៤៧ភាគរយនៃតួលេខចាក់លើពលរដ្ឋចំនួន១០លាននាក់ទូទាំងប្រទេស, ក្នុងនោះអ្នកបាន ចាក់វ៉ាក់សាំងដូសទី២រួចមានចំនួន៣លាន៤សែន៤ម៉ឺន៩៣០នាក់។ យុទ្ធនាការចាក់វ៉ាក់សាំងក្រោយការបញ្ចប់ ក្នុងរាជធានីភ្នំពេញនិងខេត្តកណ្តាល, បានបន្តធ្វើនៅតាមខេត្តគោលដៅដទៃទៀតយ៉ាងហោចចំនួន៦នាពេល នេះ។

របាយការណ៍ក្រសួង ការពារជាតិថ្ងៃនេះ បានឲ្យដឹង ថាការចាក់ដោយក្រុមគ្រួពេទ្យ យោធានៅក្នុងខេត្ត គោលដៅចំនួន៦គឺខេត្តតាកែវ, កំពង់ស្ពឺ ខេត្តព្រះសីហនុ ខេត្តកោះកុង កំពង់ចាម និងស្វាយរៀង បានចំនួន មនុស្ស៦៦ម៉ឺន៧ពាន់៤២៥នាក់។