តុលាការចម្រេចចោទប្រកាន់ ថៃ ស្រីនាង តារាបង្ហោះ ភាពស៊ិចស៊ីបញ្ចេញកេរ្តិ៍នខ្មាសLive ជាផ្លូវការហើយ
ភ្នំពេញ៖ បន្ទាប់ពីនគរបាលខណ្ឌទួលគោក បញ្ជូនខ្លួននាង វ៉ែន រចនា ហៅ ថៃ ស្រីនាង ទៅកាន់សាលាដំបូងរាជធានីភ្នំពេញ កាលពីល្ងាចថ្ងៃទី២០ ខែកុម្ភៈ ឆ្នាំ២០២០ ម្សិលមិញពាក់ព័ន្ធដែលព្រហើនបន្តការ Live រូបភាពស៊ិចស៊ីស្ទើរចេញកេរ្តិ៍ភេទ ។
នៅវេលាម៉ោង១១ថ្ងៃទី២១ ខែកុម្ភៈ នេះលោក គុជ គឹមឡុង អ្នកនាំពាក្យអយការអមសាលា ដំបូងរាជធានីភ្នំពេញ បានឲ្យដឹងថា នាង ថៃ ស្រីនាង ត្រូវបានចោទប្រកាន់តាមមាត្រា៣៨និងមាត្រា៣៩ កថាខណ្ឌទី៣ ច្បាប់ស្តីពីការធ្វើអាជីវកម្មផ្លូវភេទ និងមាត្រា៤៩ នៃក្រមព្រហ្មទណ្ឌ ដោយពេលនេះ បានបញ្ជូនទៅចៅក្រមស៊ើបសួរ ចាត់ការបន្តតាមនីតិវីធី ។
សូមជម្រាបថា កាលពីទី១៨ ខែកុម្ភៈ ឆ្នាំ២០២០ នាង វ៉ែន រចនា ហៅ ថៃ ស្រីនាង ត្រូវបានសមត្ថកិច្ចនាំខ្លួនយកមកធ្វើការអប់រំ ណែនាំ និងធ្វើកិច្ចសន្យា ចំពោះកំហុសឆ្គងដែលគាត់បានផុសរូបភាព និងវីដេអូខ្លីប ដែលធ្វើឱ្យប៉ះពាល់ដល់ទំនៀមទំលាប់ប្រពៃណី ជាពិសេស ប៉ះពាល់យ៉ាងធ្ងន់ធ្ងរដល់កិត្តិយសរបស់ស្ត្រីខ្មែរ និងបានយល់ព្រមថតជាវីដេអូដើម្បីសុំទោសជាសាធារណៈនូវកំហុសរបស់គាត់។
បន្ទាប់ពីធ្វើកិច្ចសន្យា និងសារភាពកំហុសរួច នៅវេលាម៉ោង១១៖៣០នាទី ក៏បានអនុញ្ញាតឱ្យត្រឡប់ទៅផ្ទះវិញ។ ស្រាប់តែម៉ោង២៖៣៥នាទីរសៀលថ្ងៃដដែល ថៃ ស្រីនាង នៅតែមិនរាងចាល ថែមទាំងផុសរូបអាក្រាតកាយ ដែលស្លៀកតែខោលីអូ។
ដោយមានការឯកភាពយល់ព្រមពី លោក គុជ គីមឡុង ព្រះរាជអាជ្ញារងអមសាលាដំបូងរាជធានីភ្នំពេញ នៅវេលាម៉ោង៤៖២០នាទីល្ងាច ថ្ងៃទី១៩ ខែកុម្ភៈ ឆ្នាំ២០២០ សមត្ថកិច្ចនៃអធិការដ្ឋាននគរបាលខណ្ឌទួលគោក បានចុះទៅនាំខ្លួន ថៃ ស្រីនាង ម្តងទៀត ដើម្បីរៀបចំសំណុំឯកសារបញ្ជូនបន្តទៅតុលាការ និងអនុវត្តន៍តាមនីតិវិធីច្បាប់៕
