យោងតាមសេចក្ដីជូនដំណឹងរបស់ក្រសួងធនធានទឹក នៅថ្ងៃទី៣សីហាឆ្នាំ០២១ បានព្យាការណ៍អាកាសធាតុប្រទេសកម្ពុជារយៈពេល១សប្ដាហ៏ចាប់ពីថ្ងៃទី៤ដល់ថ្ងៃទី១០សីហាឆ្នាំ២០២១។ ក្រសួងធនធានទឹកបានឲ្យដឹងថា ប្រទេសកម្ពុជាទទួលឥទ្ធិពលពីជ្រលងនៃប្រពន្ធ័សម្ពាធទាប ITCZ ដែលបានកើត និងអូសបន្លាយលើប្រទេសមីយ៉ាន់ម៉ា ឡាវ និងវៀតណាម ជាមួយនិងខ្យល់មូសុងនិរតីមានល្បឿនពីមធ្យមទៅបង្គួរ។

ស្ថានភាពនោះ នឹងធ្វើឲ្យបណ្ដាខេត្តនៅតំបន់វាលទំនាបកណ្ដាល បណ្ដាខេត្តនៅភាគពាយ័ព្យ និងភាគខាងត្បូងអាចនឹងមានភ្លៀងក្នុងកម្រិតពីខ្សោយទៅមធ្យម និងបណ្ដាខេត្តដទៃទៀតអាចនឹងមានភ្លៀងក្នុងកម្រិតពីតិចទៅបង្គួរ លាយឡំទៅដោយផ្គរ រន្ទះ និងខ្យល់កន្ត្រាក់។

បណ្ដាខេត្តជាប់ជួរភ្នំដងរែក និងខ្ពង់រាបឦសាន អាចនឹងមានភ្លៀងក្នុងកម្រិតពីតិចទៅបង្គួរលាយឡំដោយផ្គរ រន្ទះ ខ្យល់ និងខ្យល់កន្ត្រាក់។ ចំណែកនៅតំបន់មាត់សមុទ្រ អាចនឹងមានភ្លៀងក្នុងកម្រិតពីមធ្យមទៅបង្គួរ។ នៅលើផ្ទៃសមុទ្រមានភ្លៀងលាយឡំខ្យល់ខ្លាំង និងរលកសមុទ្រខ្ពស់ៗ។