ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកក្នុងថ្ងៃនេះល្អជាមធ្យម។ ព្យាយាមផ្តោតលើកិច្ចការជាប្រចាំ ចូរបំភ្លេចមហិច្ឆតាទាំងអស់សិន។ ដាក់គំនិតរបស់អ្នកឲ្យមានសណ្តាប់ធ្លាប់ សូមគិតពីគម្រោងដែលបានដាក់ចេញពីមុន។ ហោរាសាស្រ្តអាជីព ណែនាំអ្នកកុំឲ្យរស់នៅក្នុងស្ថានភាពអវិជ្ជមាន។ សូមបន្តធ្វើការងាររបស់អ្នក ពីព្រោះអ្នកទទួលបានគំនិតជាក់ស្តែង និងការសម្រេចចិត្តបានល្អ។ អ្នកមានអារម្មណ៍សេរីក្នុងការដេញដោល ឬសួរសំណួរដែលលំបាកទាំងឡាយដែលទាក់ទងនឹងការងារ។ ក្រៅពីនេះអ្នកអាចទទួលបានពត៌មានលំអិតដែលអ្នកត្រូវការ។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។​ រាសីអស់លោកអ្នកនៅក្នុងថ្ងៃនេះស្រុតចុះ។ ថ្ងៃនេះលោកអ្នកអាចមានបញ្ហា ឬជម្លោះជាមួយថ្នាក់លើ ព្រោះតែរឿងយល់ច្រលំតូចតាច។ ដោយឡែក សូមប្រើថ្ងៃនេះដើម្បីធ្វើផែនការឲ្យបានប្រសើរជាងមុន នោះកិច្ចការរបស់អ្នកនឹងទទួលបានភាពចម្រើនលូតលាស់ឡើងវិញក្នុងរយៈពេលឆាប់ៗនេះ។ សូមកុំធ្វើការច្រើនពេក សក្តានុពលថាមពលរបស់អ្នកខ្ពស់ ប៉ុន្តែអ្នកគួរសន្សំកម្លាំង។ កុំបង្កើតរូបរាងនៃសកម្មភាពខ្លាំងពេក ប្រសិនបើអ្នកមានអារម្មណ៍ថាអស់កំលាំង។ ក្រៅពីនេះ សូមចងចាំថា អ្នកនឹងអាចជាប់គាំងក្នុងករណីណាមួយ ដូច្នេះសូមគិតបំពេញការស្រមៃរបស់អ្នក ប៉ុន្តែមិនឲ្យជាប់ចិត្តពេកនោះទេ។

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកក្នុងថ្ងៃនេះល្អជាមធ្យម។ សូមកុំពាក់ព័ទ្ធជាមួយបញ្ហា ឬជម្លោះរបស់អ្នកដទៃសូម្បីតែថ្នាក់លើអ្នកក៏ដោយ បើមិនដូច្នេះទេ កិច្ចការរបស់អ្នកអាចមានបញ្ហាច្រើន។ ផ្ទុយទៅវិញ ចូរព្យាយាមគ្រប់គ្រងការងាររបស់ខ្លួនឲ្យល្អ នោះអ្នកនឹងអាចរំពឹងថាទទួលបានដំណឹងល្អ និងភាពចម្រើនលូតលាស់។ ក្នុងនោះសូមកុំបារម្ភពីស្ថានភាពហិរញ្ញវត្ថុរបស់អ្នក អ្នកអាចមានលទ្ធភាពបន្ថែមប្រាក់សន្សំ ហើយក៏អាចចាយវាយប្រាក់កាសដើម្បីទទួលបានប្រាក់ចំណេញមកវិញបានផងដែរ។ ដោយឡែក សូមប្រយ័ត្នមនុស្សប្លែកមុខ។  

ឆ្នាំថោះ

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកក្នុងថ្ងៃនេះឡើងខ្ពស់ត្រដែត។ ថ្ងៃនេះលោកអ្នកមានលទ្ធភាពពេញលេញបំពេញការងារតូចធំទាំងឡាយ។ ការយកចិត្តទុកដាក់បំពេញការងារ និងការគោរពតួនាទីបានទទួលនូវការទទួលស្គាល់យ៉ាងកក់ក្តៅពីមនុស្សនៅជុំវិញខ្លួន ពិសេសថ្នាក់តែម្តង។ ចំពោះលោកអ្នកដែលប្រកបរបររកស៊ី ទទួលបានអតិថិជនល្អ ហើយមនុស្សដែលតែងឈ្នានីសមិនអាចរកផ្លូវធ្វើទុក្ខអ្នកបាននោះទេក្នុងពេលនេះ។ ទោះបីជាយ៉ាងនេះ អ្នកមិនទាន់អាចលែងដៃបានទេ សូមបន្តការខិតខំប្រឹងប្រែង និងត្រូវរក្សាទឹកចិត្ត និងអាកប្បកិរិយាល្អជានិច្ច។ ដោយឡែក ចំពោះលោកអ្នកដែលមានបំណងចាកចេញពីស្ថានភាពចាស់ គួរតែធ្វើដំណើរចាកចេញនៅពេលនេះ។

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ រាសីអស់លោកអ្នកថ្ងៃនេះល្អជាមធ្យម។ ថ្ងៃនេះអ្នកគួរចំណាយពេលវេលាច្រើន ដើម្បីវិភាគស្ថានការណ៍ ហើយកុំរិះគន់វិធីសាស្រ្តធ្វើការរបស់មិត្តភក្តិក្នុងរង្វង់ការងារ។ ជាចំណុចល្អ អ្នកអាចនឹងទទួលបានការយល់ដឹង និងការវិភាគបានត្រឹមត្រូវនូវទិដ្ឋភាពជាក់ស្តែងរបស់ជីវិតក្នុងពេលនេះ។ ភាគច្រើនអ្នកអាចរកឃើញមូលហេតុនៃភាពបរាជ័យ ហើយអ្វីដែលសំខាន់គឺអាចរកមធ្យោបាយកែកំហុសពីអតីតកាលបាន។ ដោយឡែក សូមកុំទៅពាក់ព័ទ្ធនឹងជម្លោះ ឬសូម្បីមតិរិះគន់នានា។ ការធ្លាក់ខ្លួនទៅនឹងជម្លោះជាកំហុសធំបំផុតក្នុងថ្ងៃនេះ ពីព្រោះហេតុការនេះនឹងនាំកង្វល់វែងឆ្ងាយ។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​ រាសីលោកអ្នកថ្ងៃនេះស្រុតចុះ។ សូមលោកអ្នកពិនិត្យឡើងវិញនូវវិធីសាស្រ្តនៃការងារ។ ភាគច្រើនអ្នកកំពុងដើរក្នុងផ្លូវត្រឹមត្រូវ ប៉ុន្តែពេលខ្លះវាមានប្រយោជន៍ក្នុងការគិតគូរពីបទពិសោធន៍របស់សហការី អ្នកគ្រប់គ្រង ឬសូម្បីគូប្រជែងក្តី។ ប្រសិនបើអ្នកចូលរួមការជួបជុំ ការប្រជុំពិភាក្សា ឬការសម្រេចចិត្តនានា សូមព្យាយាមយល់ដឹងពីករណីទាំងនោះឲ្យបានម៉ត់ចត់ ស្តាប់ច្រើនជាងការនិយាយមិនមានប្រយោជន៍។ សូមចងចាំថា អ្នកអាចផ្តល់យោបល់បាន បើអ្នកច្បាស់លាស់ក្នុងកិច្ចការនោះ។ ហេតុផលលំបាកគឺថា លោកអ្នកអាចនឹងបង្កើតកំហុសដោយអចេតនា ក៏ព្រោះតែអ្នកមិនអាចធ្វើឲ្យអ្នកដទៃយល់ពីអ្នកបាន។

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ ថ្ងៃនេះអ្នកពោរពេញទៅដោយអារម្មណ៍ភ្លឺថ្លា​ ដូច្នេះអ្នកអាចបំពេញការងារបានល្អ សូម្បីតែការរកស៊ីជួញដូរក៏អាចនឹងទទួលបានផលចំនេញតាមការរំពឹងដោយងាយស្រួល។ ប៉ុន្តែសូមកុំរំពឹងលាភសំនាងនានាដោយងាយ ឬនាំមកឲ្យដោយអ្នកដទៃ ពីព្រោះមានលោកតែម្នាក់គត់ដែលអាចចាត់ចែងវាសនាខ្លួនឯងក្នុងថ្ងៃនេះ។ ក្នុងអឡុងនេះ ភាពអវិជ្ជមានខ្លះអាចកើតឡើង ដើម្បីចូរត្រៀមខ្លួនដើម្បីដោះស្រាយ ប៉ុន្តែក៏មិនចាំបាច់តានតឹងពេកទេ អ្នកអាចដោះស្រាយវាបានដោយងាយស្រួល។ ប្រការសំខាន់ សូមជឿទុកចិត្តលទ្ធភាព និងសមត្ថភាពខ្លួនឯង។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាសី្រ។ រាសីអស់លោកអ្នកនៅក្នុងថ្ងៃនេះល្អជាមធ្យម។ ការខិតខំប្រឹងប្រែងរបស់អ្នកនឹងហុចផលយ៉ាងពេញចិត្ត។ លោកអ្នកមានមនុស្សអាណិតស្រឡាញ់ និងជួយយកអាសារណាស់។ ប៉ុន្តែសូមលោកអ្នកកុំខ្ជះខ្ជាយពេលវេលាក្នុងការនិយាយវែកញែក ឬរៀបរាប់ការងាររបស់អ្នក ពីព្រោះមានតែការអនុវត្តជាក់ស្តែងប៉ុណ្ណោះដែលអាចឲ្យគេទទួលស្គាល់ និងយល់ដឹងសមត្ថភាពរបស់អ្នកបាន។ សូមព្យាយាមសម្របសម្រួលការងារឲ្យបានច្រើននៅពេលព្រឹក ប៉ុន្តែសូមបែងចែកកំលាំងឲ្យសមហេតុផល។ ដោយឡែក អ្នកមិនត្រូវធ្វេសប្រហែសទេ ដោយសារ ការងារអ្នកអាចនឹងជាប់គាំងក្នុងស្ថានភាពខ្លះផងដែរ។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកល្អជាមធ្យម។ សូមរក្សាការងារ និងមុខរបរអាជីវកម្មឲ្យនៅដដែលសិន។ ការ  បណ្តាក់ទុន ឬផ្លាស់ប្តូរកន្លែងការងារមិនធានាថាទទួលបានផលល្អនោះទេ ដោយសារស្ថានភាពនៅជុំវិញខ្លួនហាក់ច្របូកច្របល់ ហើយក៏មានមនុស្សនៅក្បែរដែលមិនមានបំណងល្អផងដែរ។​ មិនបាច់ប្រញាប់ប្រញាលទេ អនុវត្តការងារនេះជាធម្មតា ហើយបើអ្នករកឃើញភាពអសកម្មណាមួយចូរដោះស្រាយឲ្យបានរហ័ស។ ក្នុងនោះប្រមូលយកពត៌មានមកវិភាគ ប៉ុន្តែដាច់ខាតកុំធ្វើឲ្យខ្លួនធ្លាក់ក្នុងសភាពស្មុគ្រស្មាញឥតប្រយោជន៍។ ប្រការចំបង សូមរស់នៅដោយភាពសុទិដ្ឋិនិយម ពីព្រោះវាអាចទាក់ទាញទំនាក់ទំនងសម្រាប់ភាពរីកចម្រើនក្នុងជី​វិត។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។ រាសីអស់លោកអ្នកក្នុងថ្ងៃនេះស្រុតចុះ។ លោកអ្នកអាចជួបនឹងការលំបាកតិចតួច ដែលទាក់ទងនឹងការបំពេញភារកិច្ចប្រចាំថ្ងៃ។ ប្រហែលជាអ្នកនឹងប្រឈមនឹងឧបាយកលរបស់គូប្រជែង ឬមនុស្សក្នុងក្រុមការងារដែលហាក់មានចិត្តច្រណែនឈ្នានីសនឹងជោគជ័យ ឬសមត្ថភាពរបស់អ្នក។ ប្រការចាំបាច់ណាស់ ដែលអ្នកគួរតែរស់នៅដោយភាពស្ងៀមស្ងាត់    បញ្ជៀសការអួតអាង ឬសម្តែងលទ្ធផលការងារទៅក្រៅ ពីព្រោះវាគ្មានអ្វីដែលត្រូវធ្វើរឿងទាំងអស់នោះទេ។ ក្នុងនោះក៏ត្រូវត្រៀមខ្លួនដោះស្រាយភាពអសកម្មទាំងនោះឲ្យបានលឿន ដាច់ខាតមិនគួរជឿនរណាដោយងាយនោះទេ ពិសេសទាក់ទងអាថ៌កំបាំងការងារតែម្តង។

ឆ្នាំចរ

សម្រាប់លោកអ្នកដែលមានកំណើតឆ្នាំចរ នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកក្នុងថ្ងៃនេះឡើងខ្ពស់ត្រដែត។ អ្នកអាចបំពេញការងារ និងក្តីស្រមៃបានទាំងអស់។ មិនគួរមានភាពអាក់អន់ ភ័យខ្លាចព្រោះតែបទពិសោធន៍បរាជ័យចាស់នោះទេ ចូរបោះជំហានចេញចុះ ពីព្រោះឳកាសមានច្រើន ហើយសុទ្ធតែជាឳកាសល្អប្រសើរណាស់។ អ្នកក៏អាចធានាថានឹងបញ្ចប់ការងារបានងាយស្រួល ហើយដំនឹងរីករាយយ៉ាងភ្ញាក់ផ្អើលអាចនឹងកើតឡើងនៅចុងបញ្ចប់ការងារល្ងាចនេះផងដែរ។  ក្រៅពីនេះ លោកអ្នកមានលទ្ធភាពបញ្ចេញមតិយោបល់តាមបំណង ពីព្រោះលោកអ្នកនឹងទទួលបានពត៌មានលំអិតជាគ្រឹះក្នុងការពិភាក្សាដោយសន្តិវិធី។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីអស់លោកអ្នកនៅក្នុងថ្ងៃនេះស្រុតចុះ។ ថ្ងៃនេះជាពេលវេលាមមាញឹក ហើយអ្នកក៏អាចខាតបង់ផ្នែកហិរញ្ញវត្ថុបន្តិចបន្តួចផងដែរ។ សូមកាត់បន្ថយសកម្មភាពអាជីវកម្មរបស់អ្នក ប្រសិនបើអ្នកមិនអាចធ្វើទៅបាន ពីព្រោះនោះជាការកាត់បន្ថយហានិភ័យ។ សូមព្យាយាមយល់ដឹងពីគោលបំណងពិតប្រាកដរបស់អ្នក ដោយពិនិត្យមើលដំនើរការការងារដែលកំពុងអនុវត្តសព្វថ្ងៃ។ ក្នុងនោះសូម​កុំបណ្តោយខ្លួនឲ្យគិតរឿងឥតប្រយោជន៍ច្រើន កុំភ័យខ្លាចច្រើន ហើយក៏មិនគួរយកវាសនារបស់ខ្លួនដាក់ក្នុងកណ្តាប់ដៃអ្នកដទៃដែរ។ ការជឿជាក់ខ្លួនឯង និងការដំណើរការជីវិតដោយការប្រុងប្រយ័ត្ន នឹងហុចផលល្អដល់អាជីព។  

ចំណាំៈ

ឆ្នាំទាំង៣ ថោះ មមី ចរ រាសីឡើងខ្ពស់ត្រដែត។ លោកអ្នកនឹងទទួលបានឳកាសការងារ ដែលប្រកបដោយភាពចម្រើន។ លុយកាក់ ទ្រព្យសម្បតិ្ត និងសេចក្តីសុខក្សេមក្សាន្តនឹងកើតឡើងក្នុងជីវិតអ្នក។