ក្រោយឈ្នះជើងឯកម៉ារ៉ាតុង នៅសង្វៀនស្ថានីយទូរទស្សន៍ថោន ជាលើកទី៣ កីឡាករគុនខ្មែរកំពុងឡើងជើង ឡុង បេនលឿន ចិញ្ចឹមចិត្តចង់ជួបកីឡាករជើងខ្លាំង ឡៅ ចិត្រា ម្តងទៀត ដើម្បីសងសឹក បញ្ជីចាស់ ដែលធ្លាប់បែកធំពេក ត្រូវគ្រូពេទ្យបញ្ឈប់មិនឲ្យប្រកួតបន្តទៀត ។

ឡុង បេនលឿន បន្តថា ការចូលរួមប្រកួតជើងឯកម៉ារ៉ាតុង នៅសង្វៀនទូរទស្សន៍ថោន ជាលើកដំបូង បានត្រឹមទទួលជើងឯករងប៉ុណ្ណោះ ព្រោះត្រូវឡៅ ចិត្រា វាយត្រូវរបួសចាស់បន្សល់ទុក ពីការប្រកយតជាមួយនឹងកីឡាករ ធន់ ចាន់តាក់ ធ្វើអោយលោកគ្រូពេទ្យបញ្ឈប់មិនប្រកួតទៀត ។ ដូច្នោះហើយទើបធ្វើអោយ បេនលឿន មិនអស់ចិត្តចង់ជួប ឡៅ ចិត្រម្តងទៀត ដើម្បីឲ្យជំនួបសងសឹកនេះ កាន់តែកក្រើកជាងមុនជាក់ជាមិនខាន ។
សូមបញ្ជាក់ថា កីឡាករ ឡុង បេនលឿន បានចូលរួមប្រកួតកម្មវិធីជើងឯកម៉ារ៉ាតុង នៅស្ថានីយ៍ទូរទស្សន៍ថោន ៤លើករួចមកហើយ ឈ្នះជើងឯក៣លើក និងជើងឯករង ដោយសារចាញ់កីឡាករ ឡៅ ចិត្រា ៕