បើយោងតាមសារព័ត៌មាន (CNN) ដែលបានចុះផ្សាយនៅថ្ងៃនេះ បានអោយដឹងថា ការប្រកួត​ជម្រុះ​បាល់ទាត់ពិភពលោករវាងប្រេស៊ីល​ និងអាហ្សង់ទីន​ នៅកីឡដ្ឋាន​ Corinthians ក្នុងទីក្រុង São Paulo ប្រទេសប្រេស៊ីល ត្រូវបានផ្អាក បន្ទាប់ពីមន្រ្តីសុខាភិបាលប្រេស៊ីលបានមកដល់ទីលាន នាំ​កីឡាករ​បាល់ទាត់អាហ្សង់ទីនជាច្រើននាក់ទៅធ្វើចត្តាឡីស័ក ។

ទីភ្នាក់ងារគ្រប់គ្រងសុខភាពប្រេស៊ីល (Anvisa) បានស្នើសុំការគាំទ្រពីប៉ូលីសសហព័ន្ធរបស់ប្រទេស​ដើម្បី​នាំ​យ​កកីឡាករអាហ្សង់ទីន ៤ នាក់​មិនឱ្យចូលរួមក្នុងវគ្គជម្រុះ ​ដោយបញ្ជាក់ថា​កីឡាករដែលមាន​បញ្ហា​បាន​ធ្វើ​សេចក្តីថ្លែងការណ៍មិនពិត ដោយបដិសេធថាពួក​គេបាន​នៅចក្រ​ភព​​អង់គ្លេសដោយដាក់ខ្លួនដាច់​ដោយ​ឡែក ១៤ ថ្ងៃ មុនមកប្រទេសប្រេស៊ីល​ ។ សូមបញ្ជាក់ថា យោងតាមបទបញ្ជារបស់ប្រេស៊ីល ដើម្បីបង្កាមេរោគកូវីដ ១៩ អ្នកដំណើរណាម្នាក់​ដែលធ្វើដំណើរ​មក​ពីចក្រ​ភពអង់គ្លេស ១៤ ថ្ងៃមុនពេលមកដល់មិនអាចចូលប្រទេសបានទេ៕