ការបង្រ្កាបក្រុមហ៊ុនបច្ចេកវិទ្យាធំៗ របស់រដ្ឋាភិបាលក្រុងប៉េកាំងធ្វើឱ្យសហគ្រិនភាពនៅចិនរអាក់រអួល
រដ្ឋាភិបាលទីក្រុងប៉េកាំង បានបង្កើនកិច្ចខិតខំប្រឹងប្រែងដើម្បីធានាថាអាជីវកម្មឯកជនមានការគាំទ្រពីថ្នាក់ដឹកនាំកំពូលរបស់ប្រទេសចិន ដោយគ្មានការថ្កោលទោស ទោះបីមានការធ្លាក់ចុះនៃអាជីវកម្មឯកជន ដោយសារមានការបង្រ្កាបរបស់រដ្ឋាភិបាលតាមបទប្បញ្ញត្តិមួយចំនួនក៏ដោយ។
កាលពីថ្ងៃចន្ទ ទាំងប្រធានាធិបតីចិន លោក ស៊ី ជីនពីង និងទីប្រឹក្សាសេដ្ឋកិច្ចកំពូលរបស់លោកគឺឧបនាយករដ្ឋមន្ត្រី លីវហេបានផ្ញើសារគាំទ្រយ៉ាងខ្លាំងក្លាដល់វិស័យឯកជនដោយនិយាយថាតួនាទីរបស់ពួកគេគឺសំខាន់ណាស់នៅក្នុងការអភិវឌ្ឍសេដ្ខកិច្ច។ លោក លីវ បាននិយាយថា ក្រុមហ៊ុនឯកជនត្រូវតែទទួលបានការគាំទ្រយ៉ាងខ្លាំង ពីរដ្ឋដូច្នេះពួកគេអាចដើរតួយ៉ាងសំខាន់ក្នុងការធ្វើឥ្យរីកលូតលាស់សេដ្ឋកិច្ច ចិន និងបង្កើតការងារនិងការច្នៃប្រឌិត បច្ចេកវិទ្យាកាន់តែស៊ីជម្រៅ។
លោក លីវបាន មានប្រសាសន៏ថា៖«សេដ្ឋកិច្ចឯកជនបានរួមចំណែកជាង ៥០ ភាគរយនៃចំណូលពន្ធសរុបដែលស្មើនជាង ៦០ ភាគរយនៃផលិតផលក្នុងស្រុកសរុប។» ។
លោក លីវ បាននិយាយនៅក្នុងសុន្ទរកថា តាមប្រព័ន្ធវីដេអូមួយទៅកាន់ពិព័រណ៍សេដ្ឋកិច្ចឌីជីថលនៅខេត្ត Hebei កាលពីថ្ងៃចន្ទថា៖«គ្មានការផ្លាស់ប្តូរគោលការណ៍និងគោលនយោបាយគាំទ្រ ការអភិវឌ្ឍ សេដ្ឋកិច្ចឯកជនទេ»។
លោកប្រធានាធិបតីស៊ី ក៏បានផ្តល់សំលេងគាំទ្រដល់សេដ្ឋកិច្ចឌីជីថលដែរ កាលពីថ្ងៃចន្ទដែលជាសព្វថ្ងៃនេះការដោះដូរតាមប្រព័ន្ធអ៊ីនធើណែត បានកំពុងគ្របដណ្តប់ដោយវិស័យឯកជន ហើយរដ្ឋកំពុងមានការត្រួតពិនិត្យកាន់តែខ្លាំងឡើងៗ។
ចាប់តាំងពីឆ្នាំមុន និយតករចិនបានដកការយល់ព្រមឱ្យក្រុមហ៊ុន Ant Group ដែលជាក្រុមហ៊ុន យក្ស ខាងវិស័យfintech ចេញផ្សាយជាសាធារណៈ ដោយបានផាកពិន័យ ក្រុមហ៊ុនពាណិជ្ជកម្មអេឡិចត្រូនិកយក្ស Alibaba Group Holding ដែលជាម្ចាស់កាសែត South China Morning Post និងបានផ្តួចផ្តើមការស៊ើបអង្កេតសន្តិសុខតាមអ៊ីធើណែតផងដែរ ។
ប៉ុន្តែការអត្ថាធិប្បាយនេះប្រឆាំងនឹងរឿងផ្ទៃខាងក្រោយ នៃភាពមិនច្បាស់លាស់ សម្រាប់វិស័យឯកជនជាច្រើនដោយសារទីក្រុងប៉េកាំង រឹតបន្តឹងការត្រួតពិនិត្យលើវិស័យឧស្សាហកម្ម រាប់ចាប់ពីការបង្រៀនឯកជន ក្រុមហ៊ុន Big Tech រហូតដល់វិស័យកម្សាន្តដូចជាតារាល្បីៗជាដើម។
នៅក្នុងកិច្ចប្រជុំភាពជាអ្នកដឹកនាំសេដ្ឋកិច្ច កាលពីខែសីហា មេដឹកនាំ ចិន បានឯកភាពថា ប្រទេសចិនត្រូវតែបន្តគោលដៅមួយនៃ « វិបុលភាពរួម» ដែលប្រជាពលរដ្ឋត្រូវចូលរួមខិតខំដើម្បីទទួលបានឱកាសក្លាយជាអ្នកមាន ។
« យើងអាចអនុញ្ញាតឱ្យអ្នកខ្លះក្លាយជាអ្នកមានមុនបាន បន្ទាប់មកយើងនឹងឲ្យពួកគេណែនាំនិងជួយអ្នកដទៃទៀតឱ្យក្លាយជាអ្នកមានដូចគ្នាដែរ ។ ជាមួយគ្នាយើងគាំទ្រសហគ្រិន អ្នកមានដែលខិតខំធ្វើការស្របច្បាប់។» នេះបើតាមការលើកឡើងរបស់លោកប្រធានាធិបតីស៊ី។
ប្រភព៖ SCMP
