ថៃឆ្លងប្រចាំថ្ងៃតិចបំផុត ក្នុងពេល៧សប្តាហ៍
ប្រទេសថៃប្រកាសពីការឆ្លងកូវីដ១៩ ករណីថ្មីៗ ចំនួន១២៥៨៣នាក់ទៀត កាលពី២៤ម៉ោងចុងក្រោយមកនេះ ជាចំនួនឆ្លងប្រចាំថ្ងៃតិចបំផុត ចាប់តាំងពីថ្ងៃទី២១ កក្កដា ខណៈមនុស្សស្លាប់ក៏ថមថយច្រើនដែរ រកឃើញត្រឹម១៣២នាក់ទៀត ក្នុងពេល២៤ម៉ោងដូចគ្នា នេះបើតាមក្រសួងសុខាភិបាលថៃ នាព្រឹកថ្ងៃទី១៣ កញ្ញា។
ជាមួយនឹងការឆ្លងថ្មីធ្លាក់ចុះខ្លាំងនេះ ក៏មានអ្នកជាសះស្បើយ ចំនួន១៦៣០៤នាក់ទៀតដែរ ក្នុងពេល២៤ម៉ោង នេះបើតាមក្រសួងដដែល។
ចាប់តាំងពីកើតមានជំងឺកូវីដ១៩ ករណីដំបូង កាលពីដើមឆ្នាំ២០២០មក ថៃមានឆ្លងសរុប ចំនួន ១,៣៩៤,៧៥៦នាក់ ខណៈអ្នកជាសះស្បើយសរុប កើនដល់ ១,២៤៨,៣៧៧នាក់ហើយ។ រីឯចំនួនមនុស្សស្លាប់កើនដល់ ចំនួន១៤៤៨៥នាក់ហើយ៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
