មនុស្សចំនួន២៣២នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និងវិធានសុខាភិបាល ក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លងកូវីដ ១៩។ 

មន្ត្រីគណៈកម្មការអន្តរក្រសួងដើម្បីប្រយុទ្ធនឹងជម្ងឺកូវីដ-១៩ លោកឧត្តមសេនីយ៍ឯក ម៉ៅ ពៅ បានថ្លែង នៅថ្ងៃទីអង្គារនេះថា សមត្ថកិច្ចនូវបានរថយន្ត៤គ្រឿង,ឃាត់ម៉ូតូ៤៤គ្រឿង និង ផាកពិន័យជាប្រាក់បានចំនួន ១លាន ៨សែនរៀល ក្នុងការអនុវត្តវិធានការច្បាប់ចំនួន៧២ ករណីផងដែរ ។

ដោយឡែកនៅថ្ងៃនៅដដែលនេះ គណៈកម្មការអន្តរក្រសួងដើម្បីប្រយុទ្ធនឹងជម្ងឺកូវីដ-១៩ បានរាយការណ៍តូ លេខសរុបពាក់ព័ន្ធនឹងចំនួនមនុស្សដែលបានឃាត់ខ្លួនក្នុងរយៈពេល៣ខែកន្លងមកនេះ។ កិច្ចប្រជុំបូកសរុប លទ្ធផល នៃកិច្ចប្រតិបត្តិការរយៈពេលមួយត្រីមាសដែលបានធ្វើនៅថ្ងៃទី១៤កញ្ញានេះ បានឲ្យដឹងថាលទ្ធផល

កិច្ចប្រតិបត្តិការរយៈពេល៣ខែកន្លងមកនេះ អំពើល្មើសវិធានការដែលបំពានវិធានការរដ្ឋបាលនិងបំពានវិធាន សុខាភិបាល មានចំនួន២ម៉ឺន១ពាន់៤៦៨ករណី  ក្នុងនោះឃាត់បានមនុស្សចំនួន៤ម៉ឺន ៣ពាន់៣៩៣នាក់, ចាប់ យានយន្ត១ម៉ឺន៨ពាន់ ០៤៨ គ្រឿង, បញ្ជូនទៅតុលាការ៤៣ករណី ដែលរួមមានមនុស្ស ១១២នាក់, បិទអាជីវកម្ម ៩ទីតាំង និងផាក ពិន័យជាប្រាក់បានចំនួន៩០៤លាន៨សែនរៀល៕