រដ្ឋបាល FDA អាមេរិកបោះឆ្នោតប្រឆាំងនឹងការដាក់ពាក្យសុំចាក់ដូសជំនួយរបស់ក្រុមហ៊ុន Pfizer
ទីប្រឹក្សាវិទ្យាសាស្ត្រនៃរដ្ឋបាលចំណីអាហារ និងឱសថអាមេរិក (FDA) បានបោះឆ្នោតប្រឆាំង យ៉ាងពេញទំហឹងនឹងការដាក់ពាក្យរបស់ក្រុមហ៊ុន Pfizer ក្នុងការចាក់ដូសជំនួយ សម្រាប់មនុស្សគ្រប់រូប ដែលមានអាយុលើសពី ១៦ ឆ្នាំ ដែលការប្រឆាំងនេះធ្វើឱ្យប៉ះពាល់យ៉ាងធ្ងន់ធ្ងរដល់ផែនការរបស់រដ្ឋបាលលោកចូ បៃដិន សម្រាប់កម្មវិធីចែកចាយដូសជំនួយទូទាំងប្រទេស។
បើយោងតាមសារព័ត៌មាន The Financial Times សមាជិកនិយតករនៅគណៈកម្មាធិការប្រឹក្សាវ៉ាក់សាំង កាលពីថ្ងៃ សុក្រ បានបោះឆ្នោតប្រឆាំងនឹងសំណើនៃការសុំចាក់ដូសជំនួយ BioNTech/Pfizer សម្រាប់ជនជាតិអាមេរិកអាយុ ១៦ ឆ្នាំ ឬ ចាស់ជាងនេះយ៉ាងតិច ៦ ខែ បន្ទាប់ពីទទួលបានការចាក់វ៉ាក់សាំងលើកទី ២។
អង្គភាពដដែលនេះ បានបោះឆ្នោតជាឯកច្ឆន្ទថា អនុញ្ញាតឱ្យមានការប្រើដូសជំនួយសម្រាប់តែក្រុមមនុស្ស ដែលមានអាយុលើសពី ៦៥ ឆ្នាំ អ្នកដែលមានហានិភ័យខ្ពស់នៃការឆ្លងមេរោគធ្ងន់ធ្ងរ និងមនុស្ស ដែលមានការងារប្រឈមនឹងការឆ្លង ដូចជាបុគ្គលិកសុខាភិបាលជាដើម។
ការបោះឆ្នោតនេះ បង្កឱ្យមានការពិបាកសម្រាប់និយ័តករនៅអាមេរិក តែទោះយ៉ាងណារដ្ឋបាល FDA នៅតែអាចយល់ព្រមលើការស្នើសុំរបស់ក្រុមហ៊ុន Pfizer ទាក់ទិននឹងការជម្រុញឱ្យមានការផលិតដូសជំនួយជាច្រើន ក្នុងករណីក្រុមហ៊ុនបញ្ជូនពាក្យសុំថ្មីឡើងវិញក្នុងដែនកំណត់ ដែលបានស្នើដោយគណៈកម្មាធិការ។
ក្រុមហ៊ុន Pfizer បាននិយាយថា ខ្លួននឹងធ្វើការជាមួយគណៈកម្មាធិការវ៉ាក់សាំង ដើម្បីដោះស្រាយបញ្ហារបស់ខ្លួន ហើយថាខ្លួននៅតែបន្តជឿជាក់លើអត្ថប្រយោជន៍ការចាក់ដូសជំនួយដល់ប្រជាជន និងជម្រុញការផលិតឱ្យកាន់តែទូលំទូលាយ។
លោក Kathrin Jansen ប្រធានផ្នែកស្រាវជ្រាវនិងអភិវឌ្ឍន៍វ៉ាក់សាំង បានមានប្រសាសន៍ថា៖ « ទិន្នន័យទាំងនេះនិ ងភស្តុតាងវិទ្យាសាស្ត្រធំ ៗ ដែលបានបង្ហាញនៅក្នុងកិច្ចប្រជុំនេះ បានគូសបញ្ជាក់ពីជំនឿរបស់យើងថា ការជម្រុញទឹកចិត្តនៃការផលិតនឹងក្លាយជាឧបករណ៍ដ៏សំខាន់នៅក្នុងកិច្ចខិតខំប្រឹងប្រែងជាបន្តបន្ទាប់ ដើម្បីគ្រប់គ្រងការរីករាលដាលនៃមេរោគនេះ»។
យ៉ាងណាមិញ រដ្ឋបាល FDA មិនបានឆ្លើយតបភ្លាមៗ ចំពោះការបោះឆ្នោតនោះទេ ប៉ុន្តែទីភ្នាក់ងារនេះ បានបែកចែកបញ្ហារួចទៅហើយថាតើ ត្រូវផ្តល់សិទ្ធិដល់កម្មវិធីចែកចាយដូសជំនួយជាទ្រង់ទ្រាយធំ ឬ យ៉ាងណា។ អ្នកវិទ្យាសាស្ត្រជាន់ខ្ពស់នៃរដ្ឋបាល FDA ២ នាក់ ក៏កំពុងជួយសរសេរអត្ថបទសិក្សាមួយ ដែលបានបោះពុម្ពផ្សាយនៅសប្តាហ៍នេះ សម្រាប់ការជំទាស់នឹងផែនការបែបនេះផងដែរ។
លោកស្រី Walid Gellad សាស្ត្រាចារ្យរងផ្នែកវេជ្ជសាស្ត្រនៅសាកលវិទ្យាល័យ Pittsburgh បានមានប្រសាសន៍ថា៖ «ការសម្រេចចិត្តធំ ៗ បែបនេះមិនគួរប្រញាប់ទេ ហើយខ្ញុំមានអារម្មណ៍ថាការសម្រេចលើកនេះដូចប្រញាប់ខ្លាំង»។
ទោះយ៉ាងណា សមាជិកគណៈកម្មាធិការមួយចំនួន បានសម្តែងការព្រួយបារម្ភក្នុងកំឡុងកិច្ចប្រជុំអំពីការអនុម័តការផ្ដល់ដូសជំនួយដល់មនុស្សគ្រប់រូបដែលមានអាយុចាប់ពី ១៦ ឆ្នាំឡើងទៅ ដោយបានរាយការណ៍ពីករណីកម្រនៃបញ្ហាបេះដូង ដែលយុវជនជួបប្រទះ បន្ទាប់ពីទទួលបានដូសទី ២។
«ដោយសារហានិភ័យនៃការឆ្លងមេរោគឆ្លងនៅក្នុងចំណោមប្រជាជនវ័យក្មេងគឺទាបជាងនៅតំបន់ដទៃទៀត ការដែលណែនាំឱ្យប្រើដូសជំនួយលើក្រុមមនុស្សនេះ មិនមែនជាំអ្វីដែលខ្ញុំពេញចិត្តនោះទេ»។ លោកស្រី Melinda Wharton មន្រ្តីជាន់ខ្ពស់នៅមជ្ឈមណ្ឌលត្រួតពិនិត្យ និងបង្ការជំងឺ និងជាសមាជិកនៃគណៈកម្មាធិការនេះ បាននិយាយនៅក្នុងកិច្ចពិភាក្សាមុនការបោះឆ្នោតយ៉ាងដូច្នេះ។
លោក Paul Offit នាយកមជ្ឈមណ្ឌលអប់រំស្ដីពីវ៉ាក់សាំងនៅទីក្រុង Philadelphia បាននិយាយថា៖ «ថ្វីបើ ខ្ញុំគាំទ្រអនុសាសន៍ចាក់ដូសជំនួយលើក្រុមមនុស្សអាយុលើសពី ៦០ ឬ ៦៥ ឆ្នាំ ប៉ុន្តែខ្ញុំមិនគាំទ្រការផ្ដល់ដូសជំនួយដល់មនុស្សធំជាង ឬ ១៦ ឆ្នាំនោះទេ»។
ការបោះឆ្នោតនេះ ត្រូវបានគេចាត់ទុកជា ការបរាជ័យមួយសម្រាប់ក្រុមហ៊ុនវ៉ាក់សាំងកូវីដ Pfizer និង Moderna។ ជនជាតិអាមេរិករាប់សិបលាននាក់ ត្រូវសុទ្ធតែទទួលបាននូវវ៉ាក់សាំងប្រភេទ mRNA ហើយអ្នកវិភាគ បានព្យាករណ៍ថា ក្រុមហ៊ុនទាំង ២ នឹងរកប្រាក់ បានរាប់ពាន់លានដុល្លារពីកម្មវិធីដូសជំនួយរបស់អាមេរិក។
ប្រភព៖ FT
